Popular Bible Verses from Matayo 6

Share

Ahubwo mbere ya byose muharanire ubwami bw'Imana no kuyitunganira, bityo n'ibyo bindi byose na byo muzabihabwa.

Nuko rero ntimukabunze imitima mwibaza iby'ejo, kuko ‘iby'ejo bibara ab'ejo’. Ingorane za buri munsi zirahagije ku bwawo!

“Reka mbabwire rero ku byerekeye ubuzima: ntimukabunze imitima mwibaza icyo muzarya [cyangwa icyo muzanywa] cyangwa icyo muzambara. Mbese ubuzima ntiburuta ibyokurya, n'umubiri ukaruta imyambaro?

Ahubwo wowe igihe usenga ujye winjira mu cyumba cyawe ukinge, maze usenge So uba ahatagaragara. Nuko So we umenya ibiri mu ibanga azakwitura.

Nuko rero mujye musenga muti: ‘Data uri mu ijuru, izina ryawe niryubahwe, ubwami bwawe nibuze. Ibyo ushaka bibe ari byo bikorwa ku isi, nk'uko bikorwa mu ijuru.

Uduhe none ifunguro ridukwiriye.

Utubabarire ibyo twagucumuyeho, nk'uko natwe tubabarira abaducumuyeho.

Ntutureke ngo tugwe mu byadushuka, ahubwo udukize ikibi, [kuko ubwami n'ubushobozi n'ikuzo ari ibyawe iteka ryose. Amina.]’

“Nimubabarira abandi ibyo babacumuyeho, So uri mu ijuru na we azabababarira ibyo mumucumuraho.

Nimurebe inyoni: ntizibiba, ntizinasarura, ntizihunika, nyamara So uri mu ijuru arazigaburira. Mbese ntimuzirusha agaciro cyane?

“Ntimukirundanyirize ubukungu ku isi aho inyenzi n'ingese bibwangiza, n'abajura bakahaca ibyuho bakiba. Ahubwo mubwirundanyirize mu ijuru aho inyenzi n'ingese bitabwangiza, n'abajura ntibahace ibyuho ngo bibe. Aho ubukungu bwawe buri ni ho uzahoza umutima.

“Nta mugaragu ushobora gukorera ba shebuja babiri. Iyo adakunze umwe ngo yange undi, ayoboka umwe agasuzugura undi. Nuko rero ntimushobora kuba abagaragu b'Imana ngo mube n'abagaragu b'amafaranga.

None se mwa bantu bafite ukwizera guke mwe, ubwo Imana yambika ityo ibyatsi byo ku gasozi biba biriho none ejo bakabicana, ntizabarushirizaho cyane?

Ahubwo wowe igihe uhaye umukene imfashanyo, ntihakagire n'inyoni ibimenya. Bityo ibyo umuhaye bizabe ibanga. Nuko So we umenya ibiri mu ibanga azakwitura.

“Ibikorwa byiza byanyu murajye mwirinda kubikorera imbere y'abantu kugira ngo babarebe, mutazivutsa ingororano ya So uri mu ijuru.

“Igihe mwigomwe kurya ntimukijime mu maso nk'abantu b'indyarya bakambya agahanga, kugira ngo abantu bamenye ko bigomwe kurya. Ndababwira nkomeje ko ingororano yabo baba bamaze kuyishyikira. Naho wowe niwigomwa kurya, wiyuhagire mu maso kandi usokoze, kugira ngo abantu batamenya ko wigomwe kurya, keretse So uba ahatagaragara. Nuko So we umenya ibiri mu ibanga azakwitura.