Priljubljene svetopisemske vrstice iz Matthieu 7

Deli

Boyonga, bango taphè beni, boyenga, beni todwa, bokotele, bango tadiphola beni.

Tonga moto ikika eyonge, wango tayamba, koncha eyenge, wango tadwa, na koncha ekotele, bango tadiphola wango.

O moto ikika awoke mawò ma nga n’akiele ko wango awokaki bona, nga tange wango moto a bokièngu, atongaki ndako a wango a bokoli b’iboko.

Bokiela na bato beka bichò, byango beni bodinge bango bakiele na beni. Tonga miyeko ma Moise na mawò ma mibandi ma Nzambe madi kobona.

N’ekuki a kongele na manè ma kongele mapholize bato o bomwè, edwe mango ko bato baki phencha.

Bokolaka ekuki a kongele, tonga manè ma kungungu edi manè m’ichumbana, ko bato bakama batambole o mango.

Kobona beni bato babè, mo beni boyebe bophè bana ba beni beka binyòngò, mo beni boyonge Chango a beni ikolo, wango tiphè beni beka bilèki bonyòngò?

”Tochambake bato botòtè o beka, byango bidi o ch’a mitema ma bango, ko, beni bochambe ba bango bona, nà bango tachamba nà ba beni. Na momèko, mwango beni bomèke bato bango tamèka na beni mwango dyòkò.

Ko, moto ikika awoke mawò ma nga, ko, okiela ko wango awokaki bona ka, nga tange wango emèmè.

K’oyiche boyènè monchèlo modi o dichò a mwanyango bwe, k’oyènè moyikako modi o dichò a kò ka? Mo k’òlobe na mwanyango bwe: Tika nga miche monchèlo modi o dichò a kò, ko, moyikako modi o dichò a kò.

Bokiekaka n’ikièngu tonga bayekuchi ba bwanya bango baya o ma beni, bachwe ekoto a bagbata, ko, mitema ma bango midi ko bangwe b’ibèli bona. Beni toyeba bango na mpuk’a bango. Bato oyimba chabu o molange ma milo ka, iyò nyongè o ibangamba ka.

Kobona milange michò minyòngò mibote mpuka inyòngò, ko, milange mibè mibote mpuka ibè.

Molange monyòngò oyicha bobote mpuka inyòngò ka.

Molange mwango mobobota mpuka inyòngò ka, takòtè mwango na tabwaka mwango o meya.