Priljubljene svetopisemske vrstice iz Jean 14

Deli

Okomo nga langwe, nga tike phi a nga na beni, nga phè beni phi a nga; ng’ophè beni phi a nga ko ephelele yango bato ba che bophè bona ka. Mitema ma beni tidyalake na bakacha na bobo.

Jésus ayambolaki wango bwe: ”Nga edi manè, na nènè na bomwè, Mo nga twa, edi moto nyò mò iyicha bophole o ma Chango twa.

Mitema ma beni tidyalake na bakacha. Bochinganaka Nzambe, bochingana nà nga.

Ko Mokielichi, Eyaye Echwa, yango Chango tatinda o kombo a nga, yango tayekuza beni beka bichò, byango nga lobaki na beni.

Koncha wango edi na miyeko ma nga, na wango abatele myango, yena edi koncha wango edinge nga; na koncha wango edinge nga, nà wango tadingiba na Chango a nga, na nga tadinga wango, na nga tayèniza elenge a nga na wango.

Na nga tayonga Daye, na wango taphè beni Mokielichi akbwi, wango tadyala otete a beni kokoko. Eyaye a nènè yango bato ba che badi oyicha boyambe ka, tonga bango badi oyicha boyènè yango ka na badi oyeba yango ka.

Na beka bichò byango beni boyonge o kombo a nga, nga takiela beka byango, mòchi Chango atochibe o cha Mwan’a bole. Nènè, mo beni boyonge o kombo a nga, nyò edyale eyeka kombo nda, nga takiela yango.

Mo beni bodi bodinge nga, owana bobatelaka miyeko ma nga.

O cha ndako a Chango a nga edi na bachòbè bakama mo ebodyala kobona ka, ibè ng’ichakola beni bwe, nga kiè tonga n’iyèlòngèlè beni bachòbè.

Na mo nga kiè tonga n’iyèlòngèlè beni bachòbè, nà kobona nga taya dyòkò tonga n’iyèkwa beni; tonga o enongo yango nga dyale ondo, nga dinge nà beni tòdyala ko o yango.

Thomas alobaki na wango bwe: ”Mokonchi, banga oyeba ncha yango k’òkiè ka! Banga tòyicha boyebe manè mango bwe?”