Priljubljene svetopisemske vrstice iz Jean 12

Deli

Ko mo koncha wango edinge bodyale mochali a nga alòndòkò nga, tonga o enongo yango nga dyale nà mochali a nga adyale ko o yango. Koncha wango edinge bodyale mochali a nga, Chango a nga tatocha wango.

Koncha wango edinge bomwè ba wango, bwango tochumbana na wango, koncha wango eyine bomwè ba wango o che woni, wango tadwa bwango, na tadwa bomwè ba biteneli.

Nènè, nènè, nga lobe na beni: Ko mo momboto ma blé mokwe o che na modi owa ka, owana mwango modi ko mò phencha, ko, mo mwango mowe, owana mwango tobota mbuka ikama (Blé edi eyeka yango ewule lòchò).

Nga yakaki o che woni edi tonga n’idyala ko phololo bona, mòchi bakoncha bango bachingane nga badyale odyala o cha boyi ka.

Ko koncha wango ewoke mawò ma nga, ko adi obatela mango ka, nga di ochamba wango botòtè ka; nga boya tonga n’iyèchamba bato ba che botòtè ka, nga yakaki tonga n’iphakola bato ba che.

Na Marie akwaki livre (edi motwatwa ndambo a kilo) mò a mayita ma cholo enyòngò ma motuya mokuli, na wango achingaki makolo ma Jésus na mango, chima wango awondoloki makolo ma Jésus na chwe a wango. Na ndako echò etondaki na cholo a mayita manyòngò.

bango baphilaki mango ma mikaya tonga n’iyèta na wango, na balobaki nikichi bwe: ”Hosanna! Tika bachangize Mokonchi ma Israël, koncha wango eya o kombo a Mokonchi.”

Jésus ayambolaki na alobaki na bango bwe: ”Bobiko buchil’okoke o Mwan’a bole a moto tatochiba.