Priljubljene svetopisemske vrstice iz Galate 6

Deli

Tika bèni bodyale okondo enongo ikiela beka binyòngò ka, tonga mo bèni bodyale okondo ka, owana bèni tòtòlò okomo bobiko tokoka.

Kobona o bèni bochaka na bobiko bikiela ekielele enyòngò tika bèni bokiele kobona na moto ikika, tabocho na banyango ba baphele o ch’èchingane.

Bonyanyanaka mimba ma baninga, kobona beni botubinye miyeko ma Christ.

Tolengwake! Nzambe adi ochimita bwe, abèchibe ka. Tonga beka byango moto aphike, wango tatòlò byango dyòkò.

Tonga koncha wango ephike o ebati a nchoto, wango tatòlò byango etòlòlò edyoboki, ko, koncha wango ephike o ebati Eyaye, wango tatòlò bomwè b’Eyaye ba biteneli.

Beni, banyango ba nga ba baphele, mo wona mò akwe o cha machuma, beni bakoncha bango bodi n’èyaye, bolanguzaka wango n’èyaye a ndèphè. Ko, okiekaka kò koncha n’ikièngu, ta iphèphi dyango iphila nà kò.

Mo wona moto achimunye bwe, wango aleki baninga bonè, ko wango ayènènè moki bona, wango achukwize nchoto a wango n’ichena. Moto ikika amekaka matoma ma wango tonga n’iyicha bochombwane ko o ch’èbati a wi koncha, odya o ch’èbati a baninga bakbwi ka. Tonga na moto ikika adi na dyumb’a wango inyanya.