Priljubljene svetopisemske vrstice iz 1 Corinthien 15

Deli

Kobona banyango ba baphele ba nga b’èbati a Nzambe, bakonde, bodyalaka na ngingi, n’ichimbo, bolèkaka bokiele matoma ma Nzambe kokoko, boyebaka bwe, botoma ba beni bodi odyala bwabona o ch’a Mokonchi ka.

Tika Nzambe aphèbe ingòko tonga wango aphè bèni nguli iwuncha, tonga na Mokonchi ma bèni Jésus Christ.

Tolèngwake, kophay mobe adyobize bikumba binyòngò.

Ko, na grâce a Nzambe nga di koncha wango nga di, na grâce a wango ebodyala bwabona na nga ka, nga lèkaki bacho ekielele mochalo‐ko, nga twa, grâce a Nzambe yango ebèki na nga.

Bowe nguli a kò iwuncha edi owè? Bowe muna m’ikongo ma kò modi owè? Muna m’ikongo ma bowe edi machuma, nguli a machuma edi miyeko.

Bokieka, nga chakole beni iwò a yiche: Banga bachò tiwe, ko, banga bachò tochekwa edyalele. Na bwalo todyala ka ekiènge ekbatime bona, o eloncho ilimb’a chima, tonga ilimba tiloncha na bato bawaki tawumwa na manchoto mango madi oyicha bodyobo ka, na banga tochekwa edyalele tètè o bobiko bwango.

Tonga bowe boyakaki na moto mò, bowumwele ba bowe boyakaki tonga na moto mò dyòkò. Na ko bato bachò bawe o ch’a Adam bona, bato bachò tayamba bomwè dyòkò o ch’a Christ.

Tonga beka byango bidyobo bi, edi kokomo byango tichekwa elenge a beka byango bitenele, na beka byango bidi bowe, edi kokomo byango bichekwe edyalele a bomwè butenela.

Tonga edi kokomo wango takomanda, ”kokoko ncho wango abikana bandoli bachò o ch’a makolo ma wango.” Chima bandoli ba wango bachò, wango tamicha nguli a bowe echò.