1
लुका 6:38
ॱलोवा
LOY
श्येम्माला तेर धेनी ख्यो़ला ॱनाङगीलाक। ख्यो़ला छे गाङने माङा ॱनेम्दी धाङ टुक्ती धाङ खारी ली़गीन थुक्पे, ख्यो़री थुला ॱलुक्कीलाक। ख्यी़ श्येम्माला छे ग्याप्कीन च्योक्रे, ख्यो़ला होदे छेलाराङ ग्याप्कीलाक।”
Primerjaj
Razišči लुका 6:38
2
लुका 6:45
मी शाङपोगी खोरी सेमगी झ्यी़ शाङाने राङ, फीला शाङा तो़न्दालाक। धेनी मी ङेन्पागी खोरी सेमगी झ्यी़ ङेन्पाने राङ, फीला ङेन्पा तो़न्दालाक। घीझ्येरी ॱनाना सेमगी नाङला हो़गीनगो राङ खाने थो़न्दालाक।”
Razišči लुका 6:45
3
लुका 6:35
हीना राङगी डाक्याला चेवा झ्यी धेनी शाङा झ्यी धेनी कीपा लेन्येगी रेवा मीझ्यीदा मी श्येम्माला की। धेनी ख्यो़ला ज्यागा क्षे थोप्कीलाक धेनी खेक्या ॱलानामेपे को़न्क्षोकगी से झ्युङगीलाक घीझ्येरी ॱनाना को़न्क्षोकगी काटीन ॱमेसाम्गीन धाङ ङेन्पाक्याला ॱङीङजे जेदालाक।
Razišči लुका 6:35
4
लुका 6:36
खीकी याप ॱङीङजेचेन हो़गीन च्योक्रे, खेक्या ॱङीङजेचेन झ्युङ।”
Razišči लुका 6:36
5
लुका 6:37
“श्येम्मागी ठीम ॱमाचे धेनी ख्यो़ला ठीम चेगीमालाक। श्येम्माला क्यो़न ॱमाचुक धेनी ख्यो़ला क्यो़न चुक्कीमालाक। श्येम्माला घोयाङ तेर धेनी ख्यो़ला घोयाङ ॱनाङगीलाक।
Razišči लुका 6:37
6
लुका 6:27-28
“हीना ङाला ङेन्गीनक्याला ङा ॱनाहीन, खेरी डाक्याला चेवा झ्यी धेनी ख्यो़ला दाङा झ्यीगीनक्याला शाङा झ्यी। ख्यो़ला ॱमेमो देप्कीनक्याला झ्यीलाप तेर। धेनी ख्यो़ला ॱमेटा ताङगीनक्याला ॱमो़लाम धेप।
Razišči लुका 6:27-28
7
लुका 6:31
श्येम्मागी ख्यो़ला घारे झ्यीगीनगो दो़दी, होदेरेराङ खुङक्याला झ्यी।
Razišči लुका 6:31
8
लुका 6:29-30
ख्यो़री डाबा च्यीकला डाम्चाक ग्याप्कीनला, श्येम्मागोवा शे। धेनी ख्यो़री फीघो़ ठोक्कीनगोला, ख्यो़री घो़ गोवा खेरतु च्युक। ख्यो़ने ॱलाङगीन घीरीला तेर धेनी ख्यी़ च्यालाक खेरती डुगीनक्याने याङ ॱलोक ॱनेरी ॱमाना।
Razišči लुका 6:29-30
9
लुका 6:43
“दोङबो शाङाला ढेबु ङेन्पा ॱमेकेलालाक होझ्येरीराङ, दोङबो ङेन्पाला ढेबु शाङा ॱमेकेलालाक।
Razišči लुका 6:43
10
लुका 6:44
दोङबो घीरी होदेगी ढेबुने ङो स्येलालाक। ॱरेक्याने सेयाप ॱमीथुवालाक होझ्येरीराङ, छेम्मे खोक्ने घुन्डुम ॱमीथुवालाक।
Razišči लुका 6:44