Priljubljene svetopisemske vrstice iz မဿဲ 28

Deli

အယ်ကြောန့် နန်းနို့လေဟှာ သွားဘီး လူဘောန်းဇောင်ဟှို ငါ့တဗဲ့ဖြစ်စေဘီးဟှာ ဖ၊ သားတော်၊ သန့်ရှင်းဟှူဝိညာဉ်တော်ရဲ့ နာမတော်ထဲမာ ဗတ္တိဇံပေးဂေ့ပါ။ နန်းနို့လေဟှို ငါပညတ်ဟှားဇာလေ ဂူလောင်းဟှို နာခံဟှို့တွပ် သွန်သန်ဂေ့ပါ။ ငါဟှာလည်း ကမ္ဘာကူဆောင်းဟှူ ခီထိ နန်းနို့လေနတူးဒူ မြဲဒမ်းရှိနေမယ်” ဆိုဘီး မိန့်တော်မူလေဟှယ်။

ယေရှုဟှာ တဗဲ့တော်လေနားဟှို ကြွလာဘီးဟှာ “ကောန်းဂန်န မ္လေဂီးထတ်မာ ရှိမျှဟှူ ခွမ့်အာဏာလေဟှို ငါ့ဟှို ပေးအပ်တော်မူဘီ။

ကောန်းဂန်တမန်ဟှ အယ်မီးမလေဟှို “ကြော့‑က်ဂေ့န။ နန်းနို့လေဟှာ လတ်ဝါးကပ်တိုင်မာ သတ်ခံရဟှူ ယေရှုဟှို ရှာနေဂေ့ဟှယ် ဆိုဇာဟှို ငါသိဟှယ်။ ကိုယ်တော်ဟှာ အယ်နေရာမာမှေ့ဘီ။ မိန့်တော်မူဟှားဟှူတိုင်းဘဲ့ ထမြော့‑က်တော်မူဟှားဘီ။ ကိုယ်တော်လျောင်းတော်မူဟှားဟှူ နေရာဟှို လာဘီးကေ့ဂေ့ပါ။

ယေရှုဟှ “ကြော့‑က်ဂေ့န။ သွားဘီးဟှာ ငါ့ရဲ့ ညီကိုလေဟှို ဂါလိလဲပြည်ဟှို သွားဟှို့တွပ် ပြောဂေ့။ သူးနို့လေဟှာ အယ်နေရာမာ ငါ့ဟှို ဗြင်ရဂေ့လေ့မယ်” ဆိုဘီး မိန့်တော်မူလေဟှယ်။

ယဇ်ပုရောဟိတ်ဂီးလေဟှာ သတ်ကီးဝါဂီးလေန တွိဆောင်ဂေ့ဘီး ဆွေးနွေးဘီးန သူးနို့ဟှာ စစ်သားလေဟှို ကပ်လေဘောင်ဂီးပေးဘီး၊ “နို့လေအိမွီနေဒူးမာ သူ့ရဲ့ တဗဲ့လေဟှာ ညဉ့်ခန်းဖတ်မာ လာဘီး လောန်းဟှို ခိုးဆောန်ဟှားဟှယ် ဆိုဘီး ပြောဂေ့။ ဗြို့ဝန်မန်းဟှာ အယ်မူဒန်းဟှို သိဟှားမယ် ဆိုဟှာ နို့လေဟှာ သူ့ဟှို စည်းရောင်းဘီး နန်းနို့မာ စိုးရိမ်ဇာမှေ့ဟှို့တွပ် လောက်ပေးမယ်” ဆိုဘီး ပြောဂေ့ဟှယ်။ စောန့်လေဟှာ ကပ်ဟှို ယူဘီးဟှာ သူးနို့ဟှို ညွန်ကြားဟှားဟှူတိုင်း လောက်ဂေ့လေဟှယ်။ အယ်ကြောန့် အယ်ဒန်းဟှာ ယုဒလူမျိုးလေထဲမာ အယ်နေ့ထိ ပ္လံ့နှံ့နေလေဟှယ်။