Priljubljene svetopisemske vrstice iz Lucas 17

Deli

Depois Jesus hatete ba ema nee, “O diak ona tanba o fiar. Agora bele hamriik i baa ona.”

Se nia halo sala hasoru o dala hitu iha loron ida, i dala hitu nia fila ba o i hatete "hau arepende ona", maka o tenki foo perdaun ba nia.”

Ema ida hosi nain sanulu nee, bainhira nia haree katak nia diak tiha ona, nia fila kedas ba Jesus hodi hahii dadaun Maromak ho lian makaas. Too iha nebaa, nia hakneak ho hakruuk too rai iha Jesus nia ain hodi agradese ba Nia. Afinal, ema nee ema Samaria, laos ema Judeu.

Nee duni, imi tenki kuidadu para la bele halo ema seluk monu ba sala! Se imi nia maluk ida halo sala, koriji nia. Se nia arepende hosi nia sala, foo perdaun ba nia.

Jesus husu ba ema sira iha nebaa, “Ohin Hau kura ema nain sanulu. Sira nain sia iha nebee?

Jesus hataan, “Se imi nia fiar kiik-oan hanesan mostarda musan ida mos, imi bele foo orden ba ai huun boot ida dehan, ‘Sai tiha hosi nee, i muda baa hamriik fali iha tasi laran.’ I ai huun nee sei tuir duni imi nia orden.”

See mak hakarak salva nia aan, nia sei lakon nia moris. I see mak lakon nia moris, nia sei hetan moris rohan-laek.

Jesus hatete ba Nia eskolanti sira dehan, “Sempre iha buat ruma mak halo ema monu ba sala. Maibee see mak halo ema seluk monu ba sala, nia sei simu kastigu todan liu. See mak halo ema nebee fiar sei fraku monu ba sala, diak liu kesi fatuk boot iha nia kakorok i lori nia ba soe iha tasi laran.

Bainhira loron too atu Hau fila fali mai, ema sei moris hanesan iha Noé nia tempu uluk. Iha tempu nebaa, sira haan-hemu, sira kaben no halo festa kazamentu hanesan baibain, too loron Noé tama ba roo boot laran. Depois, bee boot sae, halo sira mate hotu.