Priljubljene svetopisemske vrstice iz Мф 23

Deli

Тек тендан кокла гыч эн кугужо тарзыда лиеш

вет кӧ шкенжым кӱшкӧ шында, волтымо лиеш, а кӧ шкенжым ӱлыкӧ шында, нӧлталтеш.

Ойго тыланда, закон туныктышо ден фарисей-влак, сайла кояш тӧчышӧ-влак! Те пӱртньыкын, укропын да каламбырын лектыш гыч луымшо ужашыжым Юмылан пуэда, а законысо эн кӱлешанжым: порын судитлымым, чаманымым, ӱшанле улмым ӧрдыжеш кодеда. Тидыжымат ышташ кӱлеш ыле, весыжымат ӧрдыжеш кодыман огыл.

Ойго тыланда, закон туныктышо ден фарисей-влак, сайла кояш тӧчышӧ-влак! Те корка ден кӱмыжын тӱжвал могыржым эрыктеда, туге гынат кӧргышт агымаш да чын огыл денак темын.

Иерусалим, Иерусалим! Тый пророк-влакым пуштедет, тый декет колтымо-влакым кӱм кышкен пытарет. Кайык шке шулдыржо йымаке игыж-влакым погымо семын мыняр гана Мый тыйын шочшет-влакым погынем ыле, но те тореш лийында!

Тӱжвал могырым теат еҥ ончылно чын ыштышыла койыда, а чонда сайын кояш тӧчымӧ да закондымылык дене темын.