Priljubljene svetopisemske vrstice iz Mataayo 7

Deli

“Musabhwega Nyamuwanga, kaja okubhayaana chinu omumusabhwa. Muyenjega ku‑Nyamuwanga, kaja okubhayaana chinu omuyenja. Mwibhuurega ku‑Nyamuwanga, kaja okubheegurira orwigi.

Omuunu woonewoone unu kaasabhwa, kaja okuyaanwa. Omuunu woonewoone unu kaayenja, kaja okubhona, na omuunu woonewoone unu keebhuura, kaja okwigurirwa.

“Mbe, omuunu woonewoone unu kaategeresya emisango jaani na okujigayuka, kaasusana na omuumbaki wa inju unu ꞉oombakire inju yaaye ku‑rutare.

“Mbe emwe, mukorerega abhaanu abhandi rwa kutyo omwenda abheene wone bhabhakorere. Obhwo nibhwo obhugajuro bhwa ebhiraagiro bhya Muusa na ameeyigisyo ga abharagi.

Nawe rirango rinu erirosya mu‑bhuwanga ni funde, na injira ya okurosya eyo, ni funde. Abhaanu bhanu abhayisombookerwa, ni bhatyari.

“Muture mw‑irango rifunde mwingire. Okubha rirango rigari rirya, erirosya mu‑kusingaarika, na injira ya okurosya eyo, ni ngari. Abhaanu bhanu abhatura okwo, ni bhaafu.

Chimari, emwe muri abha ebhibhiibhi, nawe mumenyere okuyaana abhaana bheemwe ebhiinu bhya ekisi. Esomwana unu ari mu‑rwire aribhakunyiirira ebhiinu bhya ekisi abhaanu bhoone bhanu abhamusabhwa!

“Mwasiga okuramura abhandi, korereki emwe wone Nyamuwanga atarija okubharamura. Okubha indamu inu omuramura abhaanu abhandi, niyo Nyamuwanga aribharamura. Indengo inu omurengera abhandi, niyo emwe wone Nyamuwanga aribharengera.

Nawe omuunu unu kaategeresya emisango jaani, ˆnaarema okujigayuka, oyo ari rwa omuunu omumuumu unu ꞉oombakire inju yaaye ku‑musenyi.

“Mbawo owuringira nekeneke akabhambo kanu kari mu‑riiso rya oweejaanyu, nawe utakurora echuura chinu chiri mu‑riiso ryawo? Angu owutura kutiki okubhwira oweejaanyu ati, ‘Siga nikusoosye akabhambo mu‑riiso ryawo,’ keenu awe omwene uri na echuura mu‑riiso ryawo?

“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege. Muribhasombookerwa okuruubhana na ebhikorwa bhyebhwe. Abhaanu bhatakunogora emijabhiibhu okusooka ku‑mati ga amawa, noorwo bhatakunogora jitiini okusooka ku‑matobhooro.

Riiti rya ekisi eritwasya amatwasyo ga ekisi, nawe riiti ribhiibhi eritwasya amatwasyo amabhiibhi.

Riiti rya ekisi ritakutura okutwasya amatwasyo amabhiibhi, na riiti ribhiibhi ritakutura okutwasya amatwasyo ga ekisi.

Bhuri riiti rinu ritakutwasya amatwasyo ga ekisi, eritemwa na okweswa mu‑muriro.