Priljubljene svetopisemske vrstice iz यूहन्ना 6

Deli

यीशु उमन से कहलक, “जिंदगी केर रोटी मोंय हेकों। जे मोर ठिना आवी, उ कहियो भूखे नी होवी आउर जे मोर उपरे बिसवास करी, उ कहियो पियासा नी होवी।

आत्मा हें जिंदगी देवेला, काया से कोनों फायदा नखे। मोंय तोहरेमन के जे गोइठ के बतालों, उ आत्मा आउर जिंदगी हेके।

नाश होवेक वाला भोजन लगिन मेहनइत ना करा, मगर उ भोजन लगिन मेहनइत करा, जे जुग-जुग केर जिंदगी तक बनल रहेला, जेके मोंय आदमी केर बेटा तोहरेमन के देमूँ, काले कि मोके आबा परमेश्‍वर एइसन करेक केर अधिकार देई हे।”

काले कि मोर आबा परमेश्‍वर केर इच्छा इ हेके कि जे केऊ बेटा के, मतलब मोके देइख के मोर उपरे बिसवास करी, उके जुग-जुग केर जिंदगी मिली आउर मोंय उके आखरी दिन फिन जिंदा करमूँ।”

यीशु उमन के जबाब देलक, “परमेश्‍वर केर काम इ हेके कि जेके उ भेइज हे, उकर उपरे तोहरेमन बिसवास करा।”

आबा परमेश्‍वर जेमन के मोके जिम्मा देवेला, उमन मोर ठिना आबैं आउर जेमन मोर ठिना आबैं, उमन के मोंय मोर ठिना सोउब दिन लगिन रखमूँ।

सिमोन पतरस उके जबाब देलक, “हे प्रभु, हमरे केकर ठिना जाब? जुग-जुग केर जिंदगी केर गोइठमन तो तोरे ठिना अहे।

स्वरग से उतरल उ जिंदा रोटी मोंय हेकों। अगर केऊ इ रोटी में से खाई, तो उ सोउब दिन जिंदा रही। आउर जे रोटी मोंय देमूँ, उ मोर काया हेके, इके मोंय दुनिया केर आदमीमन के जिंदगी पावेक लगिन बलिदान काइर देमूँ।”

केऊ मोर ठिना अपन से आवेक नी पारी, जब तक कि उके मोर आबा, जे मोके भेइज हे, उके खींच नी लानी, आउर मोंय उके आखरी दिन फिन जिंदा काइर देमूँ।

काले कि परमेश्‍वर केर रोटी तो ओहे हेके, जे स्वरग से उतइर के दुनिया केर आदमीमन के जुग-जुग केर जिंदगी देवेला।”

जिंदगी केर रोटी मोंय हेकों।

तब यीशु रोटीमन के लेई के परमेश्‍वर के धन्यबाद देलक आउर बइठल आदमीमन के बाँइट देलक। आउर एहे लेखे मछरीमन के हों जेतना उमन चाहत रहैं बाँइट देलक। जब आदमीमन खाय के अघाय गेलैं तब यीशु अपन चेलामन से कहलक, “बचल टुकरा रोटीमन के जमा काइर लेवा, जेकर से कोनों बरबाद ना होवोक।”

उमन डोंगा के चलाते-चलाते लगभग पाँच-छाव किलोमीटर निकइल गेलैं। जब उमन यीशु के झील केर उपरे हिंठते डोंगा बटे आते देखलैं तो उमन डराय गेलैं। मगर यीशु उमन से कहलक, “मोंय हेकों, ना डरावा।”