Priljubljene svetopisemske vrstice iz मात्‌ति 28

हिड्‌डेउङ् खाडानि, हिट्‌नुङ् सोब्‍बे देसङिगा छोङ्‌बाचि चेला चोगानुम्‌चिम्, माङ्‌हाङ् पाबा, छा हिट्‌नुङ् सेङ्‌सेङ्‌ना हाङ्‌सा उनिङ्‌ङि बाप्‌टिस्‍मा पिडानुम्‌चिम्॥ आङा खानि आग्‍याँ पिनानिगा सोब्‍बे रिङ् पालान् चोक्‍मा हिट्‌नागा हिसिक्‍टानुम्‌चिम्॥ खेम्‍सानुम्, आङा जुगङाना आन्‍ते सोम्‍मा सोरोक् खानिलोक् एक्‍केउ लिङा॥”

टब येसु हिट्‌नागा सोरि आबाउङ् लोडुचे, “टोनालोग् हिट्‌नुङ् नाराङि सोब्‍बे आधिकार माङ्‌हाङ्‌ङा आङा याङ्‌पिडैसे॥

टरो माङ्‌हाङ् रिङ् काउग्‍बाङा हिट्‌नागा मेन्‍झेमाचि लोडुचे, “किट्‌नेनिन्, पोङ्‌भोने आङा ठाहा टोगुएसुङे, खान्‍याँ खाप्‍चेङि उछुडुना येसु आकोलुएट्‌टुम्॥ उन् नाहि वाइना॥ उन्‍ङा माट्‌टुना गाड्‌डे डोक् उन् सियानालाम्‍मा उहिङ्‌ग्‍वाट् लिसाउङ् कोबे॥ आबानिउङ् उन्‍ङाना ओलास युङ्‌बालाक् डेन् पुयानुम्॥

येसुङा हिट्‌नागा लोडुचे, “किट्‌नेनिन्, खाडानिउङ् आचेलाचि गालिलङि खाडानि नुङ् लोडानुम्‌चिम्, हिट्‌नुङ् हिट्‌नि डोक् हिट्‌नागाँ आङा याङ्उनियुक्॥”

हिट्‌नुङ् गाडुवाडाङ्‌बाचि ओठेडोङ्‌चिलोक् उटुबाउङ् हिट्‌नागा उमुन्‍डुप्‍टे, हिट्‌नुङ् टिलिङ्‌गाचि जोम् ओफाबा उपिडुचे, हिट्‌नुङ् ओलोडुचे, “खानिङा ‘युसा आन्‍याँ इम्‍सेइसिङाना बेला येसुङा ओचेलाचि ओटायाउङ् ओलास याङ्उखुट्‌टुङ् ओखाट्‌टुएना रैछो’ पिक्‍सा लोडानुम्‌चिम्॥ ना रिङ् रोमि उपिङ्‌बाचिगा हाकिमङा खेम्‍सुए भोने, आन्‍याँ उन्‌लोक् रिङ् टोङ्‌सुङ्‌टुम्‍मा॥ खानिङा नाङाना बारेङि पाक्‍चा चिन्‍टा चोक्‍मा कोन्‌निना॥” टब हिट्‌नागा टिलिङ्‌गाचिङा हिट्‌ना ओफाबा ओलाडुए, हिट्‌नुङ् सानिङ्‌डाङ्‌बाचिङा उहिसिक्‍टुचि गाड्‌डे डोक् ओचोगे, हिट्‌नुङ् याहुदिचिगा माझाङि हाट्‌ले सोम्‍मा चा ना मुन्‍डुम् डोक् ओमाट्‌टुगा॥