Priljubljene svetopisemske vrstice iz MATIYO 7

Deli

«Namumiye, na wanyu mutsov̄olwa; namuzunguhe, na wanyu mutsopara; namureme umulongo, na wanyu mutsoɓuliwawo.

Mana yotsi amiao, uv̄olwa, uwo azunguhao, upara, na uwo aremao umulongo, uɓuliwawo.

«Ɓasi kula akiao marongozi yangu yanu, ayatriao ndziani, ufana na mwendza ãkili aundra nyumba yahe hari mwa mudjasasa wa ɓwe.

Ɓasi piya izo mutsahao watru wamufanyiyeni, wanyu wajau namuwafanyiyezo. Iyo ɗe imana ya iSharia na marongozi ya yimitrume.»

Ɓadi mutsala ɗe umulongo, na ndzisongefu ɗe indzia iv̄ingao hari mwa uhayati, tsena washashi ɗe wauparao.»

«Namungiye ha uv̄ira hari mwa umulongo mutsala; mana muv̄ana ɗe umulongo, tsena nafasi ɗe indzia iv̄ingao hari mwa uangamifu, na wengi ɗe wav̄irao hari mwawo.

Neka wanyu mulio wa peu ujua uv̄a wana wanyu zitru ndjema, ha mara ngav̄i zaidi Ɓaɓanyu alio pev̄oni atsov̄ao ndjema ha wao wamumiaozo?

«Musunamuwe wanyanyu, pare wanyu musunamulwe. Mana mutsonamulwa ha uɗunga unamuzi munamuawo, na ishiv̄imo muirumiao ha wanyanyu, ɗe mutsov̄imiwaoyo.

Ɓadi kula akiao marongozi yangu yanu wala kayatria ndziani, ufana na ɗaɓa laundra nyumba yalo hari mwa mutsanga.

Manatrini uonao saha lilio dzitsoni ha munyaho, ne kusumaizi umongo ulio dzitsoni haho? Au namuna jeje utsoshindrao uambiye munyaho: ‹Nilishe nihutoleye saha lilio dzitsoni haho›, wawe uliona mongo moni na laho?

«Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha. Mutsowajua ha mavuna yawo. Hali mutru upua zaɓiɓu hari mwa shimea yendza miɓa? Au mbia za uɗya hari mwa muri-muɓa?

Muri mwema, uwo udza mbia ndjema, na muri muyi, udza mbia mbi.

Muri mwema kaushindri udza mbia mbi, wala muri muyi mbia ndjema.

Kula muri kaudza mbia ndjema, uwo ukatrwa, amwesa uvutswa moroju.