Priljubljene svetopisemske vrstice iz Lukas 5

Deli

Wii er fërtich waar mit sayn reet, saat Yeesus fer Simon: — Faar tayne poot uf en plats woo es waser tiifer is. Tan tuust tuu un tayn khameraate ti netse xmayse fer se fixe.

Simon antwort: — Mayster, meyer hon ti kans nacht kexaft un hon niks kefixt. Awer, wayls tuu xikst ti netse xmayse, heere ich un mache es. Wan se ti netse ins waser kexmis hon, hon se soo fiil fix kefang, tas ti netse sich am ferayse waare.

Awer Yeesus is noo unpewoonte plets kang fer se peete.

Ich sin net khom fer ti kuute se ruufe, awer fer ti sinter se ruufe, tas se sich roye tuun fon sayn sinte.

Wan Simon Pheeter kesiin hot was am paseere waar, hot er sich foer Yeesus kekniit un saat: — Hër, playp wech fon mich, wayl ich sin en sintiche mënx.

Yeesus antwort: — Tii woo kesunt sin prayche khee tokter, awer toch ti kranke.

Tii hon ti poote pis an te xtrant kexlept, hon ales in xtich kelos un sin Yeesus noo kang.

Een mool, waar Yeesus in en xtat woo en man waar woo te kanse khërwer ketekt hat mit lëpra. Wan eyer Yeesus kesiin hot, hot te lëpra kranke sich foer iim hiin kekniit, hot sayn kesicht pis uf te potem niter ketuun un ferlangt: — Hër, ich wees tas tuu mich heele khanst, wëns tuu wilst! Yeesus hot sayn hant kextrekt, hot an te man kefaar un saat: — Yoo! Ich wil. Tuu pist heel. Im selwiche momënt is ti lëpra ferxwun.

Awer ti naychkheete iwich Yeesus hon sich noch mee ferprayt, un fiil layt sin khom fer em aan se heere un fer keheelt kewe fon sayn krankhete.