Priljubljene svetopisemske vrstice iz ဒေါ ဂုဝ် 9

Deli

ဟဲ့ ဟွတ့် ဇဝ်ဖြာ ဝီ တဝ်း၊ “အုဝ် ဒီ ဝီ ဒွါ လက်ဆာနာ ဒီ ဘေ၊ တဲး ဘေ လှုဝ်း လွင် ကာဒိက် ဆတ်ဇာ ပဲ့ ဟဲ့ ဒွါ အုဝ် ဒီ ဘေ။ ဘော အီ မိုဝ်း ဖွိုမ် ဒွန် မျုဝ်၊ ဘော ဘေ ဘော လှုက်လှာန် ဘေ ဒွန် ဇိုဝ် ဒွန် ခြိုဝ်၊ တဲး ဘေ နပ် လွင် ကာဒိက် ဆတ်ဇာ ပီ ဒွါ အုဝ် တီ။ အုဝ် ဒီ ဘ့လေး ခုန်မာယဲင် ခဲင် ဘ့လေန့်။ ခုန်မာယဲင် တီ ဟဲ့ ဘဲန် လက်ဆာနာ ပီ ဒွါ အုဝ် ဒီ ဘေ။

ဆေ ဘေ ယိုဝ် ခုန်မာယဲင် ခဲင် ဘ့လေန့်၊ အုဝ် ဒီ ယွတ် အန်။ အုဝ် ဒီ လှုဝ်း ပီ တဝ်း အုဝ် ဒီ ဘေ ဒေါ တီ နီ ဘော ပီ ဒွါ အုဝ် ကာဒိက် ဆတ်ဇာ ဒီ ဂေ လှုက်လှာန် ဘေ၊ အီ ဒီ ကွယ် ဒဲင် ကာဒါယ် နီ။ အုဝ် ဒီ လှုဝ်း လွင် အန် တီ ဆေဆေ။”

အာဆေ ငဝ်း ယမ် ဒူအီ၊ အုဝ် ဒီ ဝီ တဲး ပေါ အူ ဝီ ဝီ ငဝ်း ယမ် အန်။ ခုဝ်၊ ဇဝ်ဖြာ ဟဲ့ ဘူင် ဒူအီ၊ တဲး ဂေ ပီ ဇဝ်ဖြာ။ အာဝ် ပွိုန် ငဝ်း အာဆာက် ဂေ။

ဇဝ်ဖြာ ဟဲ့ ဟွတ့် ခြာမ် ခဲင် နဝ်း အန် ပါယ် တီ အန် ဝီ မွင့်ကာရာ ဒွါ ဒီ အာနုဝ် ဂေ ဂွန် အီမာယ် အန်။ အန် တဝ်း၊ “တဲး ဘေ ဘြဲ၊ တဲး ဘေ ကိူန်၊ တဲး အာမျုဝ် ဘေ ကော နုဝ့် ဒဲင် ကာဒါယ်။

ဘေ ပွိုန် ဟူမ် ဒုဝ် ဆတ်ဒါဝါ အီ အိမ်၊ အီ ပွိုန် ဟာဝ် ဒွန် မျုဝ်။ အုဝ် ဒွါ တူတ့် ဒီ ဘေ၊ တဲး ဘေ ဟူမ်၊ တဲး န့ ပီ ဘေ ဒွိုမ် ဟူမ် ဒဝ် အီ လတ့် ဘဲန် မျုဝ် ဘဲန် မျုဝ်။

ဂေ ဒုဝ် ဆတ်ဒါဝါ အီ ကွယ် ဒဲင် ကာဒါယ်၊ ဘော မာဆိမ် အီ ကွယ် ခဲင် ဘ့လေန့် ဘော မာဂါ အီ ကွယ် ခဲင် အိုမ်၊ ဂေ ဘောကာဂ့လျီတ် လုဝ် ယုဝ် ဘေ ဒူအီ။ အုဝ် ဟဲ့ တဲး ဘေ အိုပ် ဂေ။

အီ မုး ဘေ၊ ဘေ ဝီ လုဝ် ဘြဲ ကိူန် ဒဲင် ကာဒါယ် တဲး ဘေ ကော နုဝ့် ဒဲင် ကာဒါယ်၊ တဲး ဘေ ဘော အိုပ် ကာဒါယ်။”