Priljubljene svetopisemske vrstice iz Mateus 7

Deli

Hian ndemani su le longu hendre, su ghengen i le ndro mu, hian gahi, mu gu danoni i, hian reregdi babi, su audi i.

Be homo i ndemani Jehova, i hengen le ndro i, be homo i gahi, i gu danoni i, be homo i reregdi, Jehova i audi babi.

Homo ma homo i hirong nongen ordo, i hinen i, i dege hom ndramed hian monen ge, i da gin mengseni um aden, hian monen ge.

Longu masi mu lengi su ndramed su hengen le ndro mu, hian hengen i le ndro su dagara lie. Mose ma su Provet ber goru su gin hondre dagara lie.

Babi i mandehege, sal i momen, bad ge, babi mandehe le lundiegor ad Jehova, su holel ge su gin danoni i, su dogi ri.

Dogi le sal lundielang le babi mandehe. Babi manden, e sal manden i la gor ngendian ge. Su mabosanged su dogi ri.

Ar mu, mu da momen ge, danmu hengen longu hian le ndro su ndurn, Damu i da lang i hengen hian ge le ndro su, su da soling.

Mbue dieni homo debosan su gdieni uo. Ar mu gdieni homo, su gdieni umu dagara lie. Su dandohongeni uo gle gelman, dege uo gin dandohongeni su.

Homo e homo i da hirong nongen ordo, i de hinen i bui, i dege hom ndramed, mburer aden i de heb monen bui. I de gin mengseni um aden hian, ndoa bui, i soie um aden i doruon i bondel ge.

Uo derbe, uo da ilndri ndomargei i da le begmarn ad ndern? Derbe uo de ilndri gei manden i da le begmarm bui. Uo derbe? Ar uo vong le ndro nderm: Hian io beg rui ndomargei le begmarm giao i da hinen begmarm momen ge. Ma uo de hanguruen gei manden i da le begmarm bui, i hinen begmarm gina momen gane?

Or gulue meluamu le su Provet momen, mandersu i hian ge, su dege meh, bergolsu i momen ge, su dege mui. E lele mburer asu, longu asu su da hinen i. Mu de danmu hedi mbuegei le borndrui i bui, mu de danmu hurdi sengen hian gle gei momen molhege bugane.

Gei heie hian, mbuegei hian i dari. Gei heie momen, sengen momen i dari.

Gei heie hian de danen hengen mbuegei momen bui, gei heie momen de danen hengen sengen hian bugane.

Gei heie e heie sengen hian bui, su sindrdi gei, su gbieni i le moan manden ge.