Priljubljene svetopisemske vrstice iz Johanes 6

Deli

Jesu i vong le ndro su: Io gan suslong ber lang, be homo i gme ndro io, i de mundrul bui, be homo i boro ndoui ordo, goln i de mar bugane.

Meluan ge, i da hinen su mamaren mandrn de danen hinen i bui, nongen, io da gin vong le ndro mu, aga Meluan ge, su mamaren.

Mbue hedi gan ge ber boan, ghanguruen gan ber belengan, i da hinen su ndramed mamaren. Ndurndramed beg hengen i le ndro mu. Jehova, Bo Domo gin rendegien i leri.

Bo Domo i ha lengi i, homo ma homo i da ilndri Ndurn, i boro ndoui aden, i de somad bui, i da mamaren ge sidegesi, io ghingeni i le rang manden, i da beg meher.

Jesu i vong le ndro su, i boi: Aga mburer ad Jehova, ar mu boro ndoui aden ge, Jehova gin rendegien i.

Longu masi Bo Domo i hengen me ndro io, aga i gmeher ndro io. Be homo i gmeher ndro io, io de robieni i bui.

Simon Petrus i bodeie: Ndorlaben, iou girgai le oho, nongen adem i hian, i mamaren ge sidegesi.

Io suslong i da hinen su mamaren ge i gin meher le lang. Homo i da gien le suslong ogo, i da mamaren sidegesi, suslong ogo io beg hengen le ndro i, aga mondro, io beg hengen i le ndro su gor masi, su mamaren leri.

Homo de danen meher de la ndro io bui, ar Bo Domo, i da gin rendegien io, de rui i bui. Io beg hingeni i le rang manden, i da beg meher.

Aga gan ad Jehova: I da gin bieni gor lundielang, i hengen le ndro su ber gor boan, su namaren ge.

Io suslong ber lang.

Jesu hedi suslong, i bo lodu leri, boen i hengen le ndro su lao aden, su ghengen le ndro su, su da gin lugdo im boan. Boen i gin hengen le ndro su gle ni lie, homo ma homo dege i lengi. Su gin ien boen, mosesu, Jesu i boi le ndro su lao aden: Daui nogden me goure, debosan i gina momen ge.

Su da le ndran, su ilndri Jesu, i dogi ndre ndran, i la bage le ndol asu. Su noh manden. I vong le ndro su