Priljubljene svetopisemske vrstice iz Roma Uram 2

Deli

Ura, sunbabyi tukwetam nang kuramuncok, sunbabyi malyi kun dinyi kuramuncok, unato ati sunci sun damnyi erebdeibdamunci, yuk nang asi, “Malyi dinyi kurandum se!” eboka wenerandum do? Ati, sunci, “Nunda malyi kun dinyi kunubde banub asi Er Imtamnyi biryi diboka kum wenebkwansir,” tenerandum do? Er Imtamnyi biryi sunbabyi diboka lilibsiryok, wenebkwansir ati ebman. Ura, Er Imtamnyi biryi bico tenen deyok aryi, sunsi minola kum wenesurur ati sunci kum bikmarum do? Er Imtamnyi biryi, “Sun malyi tenen dinyi takloboka Ni uram kunubting,” tenen minola kum wenesurur bok, sunci, “Nun li,” tenen nun Nai langdeiboka teleb kimdeirisururnyi bisi ina ngilingnandum do? Nun Nai bira nun malyi kun dinyi ati, “Ni li,” tenesururci, Erci, “Sun malyi kun dinyi taklobting,” tenen dibde burur cok, sunsi minola kum wenesurur.

Ura, sunda yuk nang asi, “Malyi dinyi akwe kuraming,” eboka wenerandum nang se. Er Imtamnyi biryi sunbabyi diba ati wenebkwansir ati ebman. Sunbabyi neiktoto malyi dinyi kunurandum ati, sunci, “Nunbabyi Er Imtamnyi urasintam aryi malyi dinyi kunuramib,” tenen sun damnyi wenerdana teleb. Sunbabyi Er Imtamnyi Uram diboka kum kunurandum ati ato ebman.

Nun Nai Imtamnyi biryi, “A yala nang dobdobkwan, o yala nang donokwan,” tenena kum kurur ati ato ebman.

Sun Musa Uram asi amol dem aryi keken nang ati Er Imtamnyi biryi, “Ni mabwe nermabwe dobdobkwan,” kum tenesurur. Eda, sun, “Ukubdarur-Ukuna mem,” en uram kekeboka diboka kununung nang ati Er Imtamnyi biryi, “Ni mabwe nermabwe dobdobkwan,” tenesurur.

Ninyi yuk-yuk aryi malyi dinyi kum teleb dinyi kum kunuramibyi tok, Er Imtamnyi biryi nunsi wenen dinyi kum kisal dangna dinyi kum karebkwansir.

Ba, sun damnyi ererdeirirdaramingnyi nang ton sun dib en uram bai donokoka malyi kun nang asi Er Imtamnyi biryi yu weik kuboka weik wenena karebkwansir.

Sun kanya ara kat weik kuransir ba, sunbabyi, “Nun malyi tenen dinyi takloboka Er Imtamnyi Uram kununa ara nun li,” tenerandum ati, sunci malyi kun dinyi tabaknin-tabaknin kunurandum ati, Er Imtamnyi biryi sunsi weik wenena kareboka wenebkwansir. Ara, Er Imtamnyi biryi malyi dinyi wenena kikib laktoto karebkwande uki tum berekci ura, Erci sunbabyi wenena kikib kareboka wenebkwansir.