Priljubljene svetopisemske vrstice iz Kenehi 3

Deli

Ā, i te kitenga o te wahine he pai te rākau rā hei kai, he āhuareka ki te titiro atu, he rākau hoki e minaminatia hei whakamōhio, nā, ka tango ia i ētahi o ōna hua, ka kai, ka hoatu hoki ki tāna tahu i tōna taha; ā, kai ana ia.

Nā, ko te nākahi he mōhio rawa i ngā kīrehe katoa o te pārae i hangā nei e Ihowā, e te Atua. Nā, ko tāna meatanga ki te wahine, “Koia, i mea anō te Atua, ‘Kaua e kainga e kōrua ngā hua o tētahi rākau o te kāri’?”

Ka whakatupuria hoki e ahau he pakanga mā kōrua ko te wahine, mā tōu uri rātou ko tōna uri; ka marū tōu mātenga i a ia, ka marū i a koe tōna rekereke.”

Ka mea ia ki te wahine, “Ka whakanuia rawatia e ahau tōu mamae, me tōu hapūtanga; ka mamae koe ina whānau tamariki; ka hiahia koe ki tō tahu, ko ia anō hoki hei rangatira mōu.”

Mā te werawera o tōu mata e kai ai koe i te taro, ā hoki noa koe ki te oneone; i tangohia mai nei hoki koe i reira; he puehu hoki koe, ā, ka hoki anō ki te puehu.”

Ā, ka mea ia ki a Ārama, “Mō tōu rongonga ki te reo o tāu wahine, mō tāu kainga hoki i te hua o te rākau i kīia atu e ahau ki a koe, i meatia atu rā, ‘Kaua e kainga ētahi o ōna hua.’ Ka oti te oneone te kanga mō tāu mahi; ka kainga e koe ōna hua i runga i te mamae i ngā rā katoa e ora ai koe.

Nā, ka mea ia, “Nā wai i mea ki a koe e tū tahanga ana koe? Kua kainga rānei e koe ētahi o ngā hua o te rākau i kīia atu rā e ahau ki a koe, ‘Kaua ōna hua e kainga’?”

Heoi, peia ana e ia te tangata; ā, whakanohoia ana ki te taha ki te rāwhiti o te kāri o Erene tētahi kerupima, me tētahi hoari mura, he mea piupiu tonu ki tētahi taha, ki tētahi taha, hei tiaki i te huarahi ki te rākau o te ora.

Ā, i huaina e Ārama te ingoa o tāna wahine ko Iwi; nō te mea ko te whaea ia o ngā mea ora katoa.