Popular Bible Verses from Génesis 13

Le'e, vu'un ta xcac'bot scotol ti banomil ti ta xaq'uel batele. Ja' avu'unic o ta xcom xchi'uc scotol ti anitilultaque.

C'alal xch'acoj xa sba ti Lote, ti Diose xi laj yalbe ti Abrame: “Ti bu va'alote, q'uelo lec avil batel xi ta stuq'uil yolon ti yolon xocon sloq'ueb c'ac'ale, xi ta stuq'uil yolon ti yac'ol xocon sloq'ueb c'ac'ale, xi ta stuq'uil sloq'ueb c'ac'ale, xi ta stuq'uil smaleb c'ac'ale.

Vu'un ta jpas ta stojolic ti ta xcac' epajuc jech c'u cha'al spucuquil ti banomile. Jech c'u cha'al mu atbajuc c'u yepal ti pucuque, ja' jech mu atbajuc yepal ta xbat ti anitilultaque.

Ja' yu'un un, ti Abrame oy bu jun c'ac'al xi laj yalbe ti Lote: “Ti vo'ote, cuts' calal jbatic. Mu lecuc ti ta xcutan jbatic. Mi ja'uc ti ta xut sbaic ti jq'uel-chon-bolometic cu'untique.

Ja' yu'un un, ti Abrame laj stsob batel ti yaxibalnae, bat nacluc ta tulantic yu'un jun vinic Mamre sbi, nopol xa ta sts'el jteclum Hebron. Ti bu taje, laj sva'an jun altar ta sventa yich'obil ta muc' ti Diose.

Va'i un, ti Lote laj sq'uel batel scotol ti stenlej sti'il uc'um Jordane. Laj yil oy lec vo' ta sjunul ti stenleje, co'ol xa s'elan yav ts'unubaltic xc'ot c'alal to biq'uit jteclum Zoar. Yu'un co'ol s'elan yosilal Egipto. (Yu'un ta vo'ne, ja' to ox jech s'elan c'alal mu'yuc to ox lilinbil yu'un Dios ti jteclum Sodomae xchi'uc ti jteclum Gomorrae.)