Priljubljene svetopisemske vrstice iz Matìyò 27

Deli

Abù anə fwatəwùŋ ìti, Yesù ə ŋwò dìy fyi kə idoŋ dzìy nə, “Ɛ̀li, Ɛ̀li, lama sàbatani.” I myiŋə̀ nəniy nə̀, “A Zə̀kìy, A Zə̀kìy, wò mìə̀ twumi na anə iyî kyiə̀?”

Bə̂d kə ndzwu kə ghu kə dî na nəniy a ndàw Kə̀zə̀, kə ŋwò saa tswi yə̀ anə ubə̀d ùbè kaʼ tsə idoŋ tswi kwùm tsə itəŋ. Mbvə̀dintsə kiy màŋ ŋwò sə̀kì yə̀, una wiy səli yə̀ sòʼò anə mə mbə̀lə̀, sây tìy ə fwiy kə sòʼò, aghê zwe yə ghu kə bɛmə nəniy Zə̀kìy ghu zɛ̀mə̀ dzwoŋi bə̀ anə ipfə

Yesù ə nam ŋwò dìy fyi fwuli kə dyaŋi pfə ŋwò yə̀.

Abù wù ùnè tə̀sǔgôʼ wə̀ kòʼ tsə nəniy yəə mbvə̀dintsə kiy səkì yə̂ nəniy nə̀ sǔgôʼ tə̀ liy tə, ghu kòʼ sòʼò ayiə yə à kə fyi nəniy, adzwə ŋge zwum này yə̀ ghu ghii, ghu dzìy nə̀, “Ndzə̀m ndzə̀m, ù kə̀ də ŋwô Wà Kə̀zə̀!”

Ləm kiy kə kəd bə̀ ìnaʼ idzə̀m nə̀ fòŋə̀ ntsə̀, kə dòʼò fwatəwùŋ ìti.

Paylèt ə bəb yə̀ a ghu nə, “In zəŋi yə̂ mə̀yə nə̀ Yesù wə̀ ghà dziy nə̀ à də Wù wə̀ Zə̀kìy sûw kyili na nəniy anə kədòŋ ə?” Ghu bə̀lì kə ghu dzə̀m a we nə, “Baa wiy we anə kàʼ fə təzəd.” Paylèt ə bəb yə̀ a ghu nə, “Ù byɛbi kìə̀?” Ghu ə ŋwò bvuʼi fyi này kə məmbòŋ idoŋ idòŋ nə̀, “Baa wiy màʼa we anə kàʼ fə təzəd.”