Priljubljene svetopisemske vrstice iz Matìyò 19

Deli

Yesù ə liay kə ghu ghii, dzày tsə nə̀, “Ayiə à liy yiy də ŋwô wù də wày ani zəŋi, Zə̀kìy kwuni də̀ ŋwô ani zəŋi ayiə adzə̀m.”

I dê tsə nə̀ ghu kâm way dzə aghê bè, ghu də uwe u mòʼ. Ì yî dè tsə nə̀, Wù lìy wìy kwu dzə̀ way ani sàlì màʼà fyiə kə Zə̀kìy təm na dzəŋi.”

Yesù ə bə̀lì yə̀ ghu nə̀, “Ghà kamə kə̀ twoŋə kôʼ ayiə yə ŋwàʼà k-a-zə̀ kìy dzîy nəniy nə̀ Zəkìy kə bwam tsə wìŋəmə̀ nə̀ wìyəŋi ə̀? U dzày tsə sòʼò nə̀, ‘Sələ kə iyiə kə̀ də̌ nə̀ ùŋəmə̀ kì na sə tsə təli nə̀ zə̂ ù zù təmdzəŋi yə̀ nə̀ wìy we, ghu ghè yə̀ àbè ghù ki doʼò tsə uwe u mòʼ.’

Yesù ə̀ dzày yə̀ a ghu nə, “Ghà kə twe dzə̀ nə̀ anîsə̂ kə bû a kə̀lə̀ mìə̀, aŋwòə loʼo kə Zə̀kìy saʼa nəniy kə də awò àghù yə̀ ghu na tsə iwee i ghu yiy yəə à də anîsə̂.”

Ndə̀mə̀ àghù yə̀ ghu moʼò nəniy nə̀ ghu də aghê àsoŋə̀ nyiə, ghu ni bè dyòʼò ŋgwò mə̀ ghù. Aghû yə̀ ghu moʼò nəniy nə̀ ghu də ŋgwò mə̀ àghù nyiə, ghu nî bè dyòʼò àghè àsoŋə̀.”

Wù wə̀ soʼo ù na sə tsə nəniy ndàw we, moo àzə̀ ə we, moo tə̀lì we, moo zə̂ moo awa we nə̀ ufyiə u we wiy, bòʼ mìə̀, ù nì kyilə dzwəŋə tsə ani kwoʼ kwùm fəbwaam tsìy fyi tsə yəə ù kə boʼò kwu tsə nəniy, ù nì kəli sòʼò ìmùə̀ itsà.

Yesù ə dzày yə̀ a we nə, “Abu wò liə nəniy ani ba dòʼò tsə tsitsi anə sə k-a-zə̀, zu fê mâ tsə ufyiə yiə̀ wìy, wò dzâw nyiə̀ yə̂ ukhiy u ghè wə̀ awò aghè laa yiy, wò kî kəli ikwum an-a-vələ. Wò dyaŋi dzwùmì bə̀ mìə̀.”

Yesù mee a we nə, “Wò bəbə ìyiə ìdzoŋì ghaa yiy awò mìə̀ ə? À mày kə wù ùmoʼ ù də nəniy wù ù dzòŋə̀ wìy. Abu wò liə nəniy ani kəli imuə̀ itsà, wò kwu ani na ùlàŋ u Kəzə̀ ùdzə̀m.”

Mə nam dzây fwuli bə̂, I ŋge bva ŋwò awò nyàm yə̀ ghu twoŋə nə̀ à də̀ kə kàmêl ani tsìy fyi yə̀ anə bwòʼ kə fənsaʼ, tsìy fyi â wù ù kwumə̀ wìy ani na tsə uwee u we tə̀ Zə̀kìy saʼ.”

Mə ndzəmə̀ dzìy bə̀ nə̀ wù wə̀ ù dzwùm fyi nəniy wìy we, nə̀ à way nə̀ wìy ghà wə̀ lyaŋə ŋwò, ùŋəmə̀ u ghè wə̀ mə̀ zəŋi ayiə tə mwàŋə̀ abu ù nìy yə̂ wìy u ŋwò wìy.”

Yesù ə dzày yə̀ awò tsə̀təndii tə we tiy nə̀, “Mə ndzəmə̀ dzìy bə̀ ŋwò nə̀ à nì tòʼò ŋge də̀ iyiə ì taw yiy awò wù ù kwùmə wìy ani nìy tswi tsə uwee u we tə̀ Zə̀kìy saʼ.