Priljubljene svetopisemske vrstice iz Matìyò 16

Deli

Yesù ə dyaŋi dzày yə̀ awò tsə̀təndii tə we tiy nə̀, “Abu wù liə nəniy ani dzwùmì bə̀ mìə̀, u kwu ani twe màʼà tsə uwe u we, u bòʼò kə zəd tə fəkàʼ tə we ù dzwùmì bə̀ mìə̀.

Mə dzîy bə̀ â wò a Pità, wò də yəə Kəna. Na kə mə kî byiə nəniy ndàw Kə̀zə̀ ate, daʼa kə inaʼ i ipfə yiy kî taw tsìy dzə̀ wày ndàw Kə̀zə̀ ì ghà yə̀.

Mə kî nyə̀ tsə gha nə̀ daʼa kiy azoŋə̀ àghù yə̀ ghu də nəniy a lòʼo kə Zə̀kìy saʼa nəniy aghee we yiy ate. Iyiə yə ghà kì twe myiʼà nəniy fə anə mbyi, à ki də ì yuu mə twe na dzə̂ an-a-vələ, iyiə yə ghà bɛmə kə fə anə mbyi, à ki də ì yuu mə bɛmə na dzə̂ an-a-vələ.”

Aŋwòə wù wə̀ ù liə nəniy ani bii fyi ŋwò bə̀ imùə̀ i we, ù kì nìy myìʼà ŋwò. Wù wə̀ ù kì này màʼà nəniy imuə̀ i we yiy â mìə̀ nə̀ awò ntwùm ìdzòŋə̀ yìy, ù kì kyilə ŋwò imuə itsà yìy.

Wò nyiə fyiə kə kìə̀ abu wò kəli mâ tsə ufyiə udzə̀m fə anə mbyi kwuni này màʼà kə imuə̀ yə̂ ə? Fyiə kə̀liy kiy way dzə wò də ani nyə̀ ani zwe ŋwò dzwoŋi bə̀ imuə̀ yə̂ ate.

Yesù ə bəb tsə aghu nə̀ “A kwuni bû ghà, ghà dzîy nə̀ mə də ndiə?” Saymùn Pità ə bə̀li kə nə̀, “Wò də̌ wù wə̀ Zəkìy suw kyili na nəniy anə kədòŋ, də̌ sòʼo wà Zə̀kə̀ kə muə nəniy anə sòŋə indzə̀m.”

Yesù ə dzày yə̀ a we nə, “Zəkìy dyoʼo ŋwò nə̀ wò, a Saymùn wà Dzonà, à kə̀ dzây dzə̂ wù lìy wìy â wò, à dè təli wam wə ù də nəniy an-a-vələ.