Priljubljene svetopisemske vrstice iz Génesis 41

Deli

Hinaqtinmi Joseyqa rey Faraonta khaynata niran: —Noqaqa runallan kani. Chayraykun mana atiymanchu chay sueñokusqayki ima ninantas nin chay niytaqa. Aswanqa Diosmi sueñokusqaykitaqa cheqaqtapuni willasunki, allin kanaykipaq, nispa.

Chaymi rey Faraonqa paykunata khaynata niran: —¿Kay yachayniyoq runata hina, tarisunmanchu huk runata? Diospa espiritunmi paywan kashan, nispa.

Hinaqtinmi rey Faraonqa Joseyta khaynata niran: —Manan ni pipas qan hina yuyayniyoq hinallataq yachayniyoqqa kanchu. Diosmi qanmanqa willasuranki, tukuy chaykunata yachanaykipaqqa. Chayraykun kunanmantapacha qanqa *palacio wasiypi kamachiq autoridad kanki. Kay Egipto *nacionpi llapallan runakunan qanpa nisqaykita kasukunqaku. Ichaqa noqallañan qanmanta aswan más autoridadniyoqqa kasaq, rey kasqayrayku, nispa.

Ishkay kaq wawanmanñataqmi sutinta churaran Efraín sutiwan. Chay sutitaqa churaran khaynata piensaspan: “Diosmi kay ñak'arisqay llaqtapiqa wawakunata qoykuwan, saynapi familiay mirananpaq”, nispa. [Nota: Efraín sutiqa hebreo rimaypiqa “mirachiy” ninantan nin.]

Joseyqa primer kaq wawanmanmi sutinta churaran Manasés sutiwan. Chay sutitaqa churaran khaynata piensaspan: “Diosmi qonqachipuwan lliw ñak'arisqaykunata hinallataq papaypa lliw familiantapas”, nispa. [Nota: Manasés sutiqa hebreo rimaypiqa “qonqachiy” ninantan nin.]