Priljubljene svetopisemske vrstice iz Éxodo 23

Deli

Noqa Señor Diosnillaykitan yupaychawanki. Noqan t'antaykitapas unuykitapas bendecisaq. Hinaspapas noqan ima onqoykunamantapas qankunataqa sanoyachisqaykichis. Tiyasqayki llaqtapi kaq warmikunaqa manan abortanqakuchu; nitaqmi qollori warmipas kanqachu. Hinaspapas noqaqa unay watatan kawsachisqaykichis.

Noqa Señor Diosmi qanpa ñawpaqniykita angelniyta mandasaq, ñanninta riqtiyki cuidasunaykipaq, saynapi preparasqay lugarman chayachisunaykipaq.

Ichaqa sichus cheqaqtapuni kasukunki, hinaspa tukuy ima kamachisqaykunaman hina ruwanki chayqa, noqan enemigoykipa enemigon kasaq. Hinallataqmi sichus pipas contraykipi kanqa chayqa, noqapas paykunapa contranpin kasaq.

Aman qanqa ashkallaña runakunapa mana allinkuna ruwasqankutaqa qatipakunkichu. Testigo kaspaykipas aman ashkallaña kaq runakunamanchu sayapakunki. Aswanmi mana piman sayapakuspa cheqaq kaqtapuni rimanki. Justiciata ruwaspaqa aman ni wakchakunamanpas sayapakunkichu, culpayoq kaqtinkuqa.

Aman llullakuspaqa runamasiykipa contranpiqa rimankichu. Aman mana allin ruwaq runakunawanqa acuerdopi haykunkichu, falso testigo kanaykipaqqa.