Priljubljene svetopisemske vrstice iz Éxodo 2

Deli

Diosqa chay mañakusqankuta uyarispan, yuyariran Abrahamman, Isaacman hinallataq Jacobmanwan ima prometesqanmanta. Chaymi Diosqa Israelpa miraynin runakunata qawarispa, paykunamanta llakikuran. Hinaspan paykunata yanapayta munaran.

Moisesqa unay watakunan Madián nacionpi qepakuran. Hinaspan chay watakunapi Egipto nacionpi reyqa wañuranña. Ichaqa Israelpa miraynin runakunaqa nishutan llank'aranku *esclavo kasqankurayku. Chaymi waqaspanku Señor Diosta mañakuranku paykunata yanapananpaq.

Chay wawa hatunchaña kaqtintaqmi, mamanqa apanpuran rey Faraonpa ususinman. Hinaqtinmi payqa wawata adoptaspa, sutinta churaran Moisés sutiwan: “Unumantan orqorani”, nispa. [Nota: Moisés sutiqa “orqosqa” ninantan nin.]

Hinaqtinmi rey Faraonpa ususinqa chay warmita niran: —Kay wawata apaspayki uywanpuway. Noqa kikiymi pagapusqayki uywasqaykimantaqa, nispa. Chaymi chay wawapa mamanqa chay wawata apaspa uywapakuran.

*Rey Faraonpa ususinmi Nilo mayuta bañakuq riran, payta serviq sipaskunapiwan. Hinaspan chay sirvientankuna mayu patapi purishanankukama, rey Faraonpa ususinqa totorakuna ukhupi huk canastata rikururan. Chaymi huknin kaq sirvientan sipasta kamachiran orqomunanpaq.

Moisesqa jovenña kashaspanmi, llaqtamasinkunata qawaq lloqsiran. Hinaspan rikuran llaqtamasin runakunaqa nishu sasa llank'aykunapi llank'asqankuta. Hinaspapas Moisesqa rikullarantaqmi llaqtamasin *hebreo runata huk Egipto *nacionniyoq runa maqashaqta. Chaymi Moisesqa kay lawta waq lawta qawakacharikuspa, mana pitapas rikuranchu. Hinaspan chay Egipto nacionmanta runata wañurpachispa, aqo-aqopi p'amparpariran.