Priljubljene svetopisemske vrstice iz Mose I 6

Deli

Eve Aƒetɔ, eye wòɖu dzi nɛ be yewɔ ame ɖe anyigba dzi.

Aƒetɔ kpɔ be amegbetɔ va vɔ̃ɖi ŋutɔ le anyigba dzi, eye eƒe tamesusu kple dzimedidiwo nye vɔ̃ ɖaa.

Ke Aƒetɔ ve Noa nu.

Noa ƒe dzidzimeviwo ŋu nya nye esi: Noa nye ame dzɔdzɔe kple ame maɖifɔ le eŋɔli me tɔwo dome. Kadodo nyui nɔ eya kple Mawu dome.

Ale Aƒetɔ gblɔ be: “Evem be mewɔ amegbetɔ ɖe anyigba dzi. Matsrɔ̃ ame ɖa. Matsrɔ̃ lã, nu tata kple xe ɖe sia ɖe hã ɖa.”

Esi amewo de asi agbɔsɔsɔ me le anyigba dzi, eye wole vinyɔnuwo dzim la, amegbetɔ vinyɔnuawo nyakpɔ na Mawu viŋutsuwo ŋutɔ, eya ta wova ɖe wo dometɔ siwo dze wo ŋu la. Tete Aƒetɔ gblɔ be: “Esi amegbetɔ nye ŋutilã kple vodala ta la, nyemagana nye gbɔgbɔ nanɔ eme ɖaa o. Mana wòanɔ agbe ƒe alafa ɖeka bla eve ko.” Le ɣe ma ɣi me kple emegbe gɔ̃ hã la, ame dzɔtsu kakowo nɔ anyigba dzi. Mawu viŋutsuwo ɖe amegbetɔ vinyɔnuwo, eye wodzi viwo na wo. Woawoe nye aʋawɔla xɔŋkɔ siwo nɔ anyi le blema la.

Noa wɔ nu sia nu abe ale si Mawu gblɔ nɛ be newɔ la ene pɛpɛpɛ.

Mawu gblɔ na Noa be: “Meɖoe be matsrɔ̃ amegbetɔƒome la, elabe woƒe nu vlo wɔwɔ va glo le xexea me. Kpɔ ɖa, matsrɔ̃e kple anyigba la siaa.

Tsɔ ati sesẽ nàkpa aɖakaʋu na ɖokuiwò. Nàma eme ɖe akpa vovovo me, eye nàtsɔ aŋɔ atre eme kple egodo nyuie.

Mawu kpɔ be xexea me gblẽ keŋ, elabe ame sia ame nɔ nu vlo wɔm le anyigba dzi.

Ɖe nu gbagbewo katã kple ŋutilãwo katã, eveveve, atsua kple nɔea, va de aɖakaʋu la me le gbɔwò ne woatsi agbe.