Priljubljene svetopisemske vrstice iz লূক 4

Deli

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে। ইয়েনি বাদেয়ো প্রভু মরে ফগদাং গুরিবাত্তে পাধেয়্যেদে যে ইক্কিনে তার্ দোয়্যে দেগেবার্ সময় ওইয়্যে।”

যীশু তারে জোব্ দিলো, “পবিত্র বোইবোত্ লেগা আঘে, ‘তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।’ ”

যীশু শদানরে কলঅ, “পবিত্র বোইয়োত্ লেগা আঘে, ‘মানুচ্ বানা রুটিলোই ন-বাজন্।’ ”

যীশু পবিত্র আত্মালোই পরিপূরোন ওইনে যর্দন গাঙত্তুন্ গেলগোই। পবিত্র আত্মার্ পরিচালনায় তে চল্লিশ দিন ধুরিনে ধূল্যেচর-চাগালাত্ ঘুরি বেড়া ধুরিলো। সে অক্তত্ শদানে তারে লুভ্ দেগেইনে পাপত্ ফেলেবার চেট্ট্যা গরা ধুরিলো। এই চল্লিশ দিন যীশু কিচ্চু ন-হায়; সেনত্তে এ দিনুন্ কাদেই উদোনার্ পরেদি তার্ পেট পুরিলো।

যীশু তারে কলঅ, “পবিত্র বোইবোত্ কুয়ো ওইয়্যেদে, ‘তর্ প্রভু গোজেনরে তুই যগা চেবাত্তে ন-যেচ্।’ ”

নানান্ বাবোত্যে লুভ্ দেগানা থুম্ গুরিনে শদানে কানক্কনত্তে যীশু কায় কুরেত্তুন্ গেলগোই।

পরেদি শদানে তারে এক্কান্ অজল্ জাগাত্ নেযেল আর ঝিমিদোত্ জগদর্ বেক্ রেজ্যগানি দেগেইনে কলঅ, “ইয়েনি বেক্কানির্ অধিকার আর সিয়েনির সয়-সাগোজ্যেগানি মুই তরে দিম্, কিত্যে ইয়েনি বেক্কানি মরে দিয়্যে ওইয়্যে। মর্ যিবেরে আওজ্ মুই তারেই সিয়েনি দি পারং। ইক্কিনে তুই যুনি মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি তর্ অবঅ।” যীশু তারে জোব্ দিলো, “পবিত্র বোইবোত্ লেগা আঘে, ‘তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।’ ”

সেক্কে শদান্নো যীশুরে যিরূশালেমত্ নেযেল আর উবোসনা-ঘর মাঢা উগুরে তারে থিয়্যেই রাগেইনে কলঅ, “তুই যুনি গোজেনর্ পুয়ো অচ্ সালে ইয়েনত্তুন্ ঝাম্ দিইনে তলেদি পড়্, কিয়া পবিত্র বোইবোত্ লেঘা আঘে, তে তার্ দূত্তুনোরে তঅ পৌইদ্যেনে উগুম দিবো যেন তারা তরে রোক্ষ্যে গরন্। তারা তরে আঢ্‌তোই ধুরি ফেলেবাক্ যেনে তঅ টেঙত্ পাত্তর আঘাত্ ন লাগে।” যীশু তারে কলঅ, “পবিত্র বোইবোত্ কুয়ো ওইয়্যেদে, ‘তর্ প্রভু গোজেনরে তুই যগা চেবাত্তে ন-যেচ্।’ ”