Priljubljene svetopisemske vrstice iz Romans 8

Deli

But we div ken that to them wha love God, aʼ things work thegither for gude; to thae wha are bidden anes, conform to his purpose.

For I am perswadit that no life, and no death, nor Angels, nor heigh pooers, Nor heigh things, nor laigh things, nor ony ither creatit thing, sal hae pooer to sinder us frae Godʼs love, whilk is in Christ Jesus oor Lord!

And in that vera way, the Spirit is giean us help in oor weakness; for eʼen what we soud be prayin for iʼ the way we soud, we ken‐na; but the Spirit himsel helps oor intercessions, wiʼ fainness oʼ desire no to be utterʼt.

Than what sal we say to thir things? Gin God be on oor side, wha is again us?

Sae than, thar is nae condemnation for thae that are in Christ Jesus.

Sae, what the flesh prefers is but death; but what the Spirit prefers, is indeed life and peace.

But, in aʼ thir things we are victorious — and mair nor victorious — by him wha loved us.

For I coont that what we dree iʼ this present, is no wordie to be mentioned alang wiʼ the glorie to come, whilk is to be made kent throwe us.

Wha sal sinder us frae Christʼs love? Sal trouble, or dool, or persecution, or famine, or nakitness, or skaith, or sword?

And he wha redds oot the heart kens what the Spirit appruves, for it is conform to God he pleads, on behauf oʼ the saunts.

For as mony as are airtit by Godʼs Spirit, they are Godʼs bairns.

For they wha leeve conform to the flesh, wad raither hae the things oʼ the flesh; but they followin the Spirit, wad hae the things oʼ the Spirit.

He wha hained‐na his ain Son, but gied him up for us aʼ, sal he no wiʼ the gift oʼ him, gie us aʼ things in his lovin favor?

The Spirit himsel is joint witness wiʼ oor spirit, that we are bairns oʼ God. But, gin bairns — than heirs as weel! Godʼs heirs, and joint‐heirs wiʼ Christ; gin at least we jointly suffer, that we may be jointly glorifyʼt.

For what the flesh prefers is at enmity wiʼ God; seein it disna gie itsel ower to Godʼs law — nor in fact, can it sae dae.

For the fain‐lookit‐forrit oʼ the Creation is waitin for the revealin oʼ Godʼs bairns.

For we ken that aʼ creation is maenin thegither, and travailin thegither, in bearin‐pangs till noo