Priljubljene svetopisemske vrstice iz Mateyu 7

Deli

Vekani, nave enarwa‐evahiwa wa nyuwo; avyani, nave munarwa‐m’phwanya; okotchani, nave n’narwa‐nihuleliwa wa nyuwo

Vawi yowo anaveka anakhela; ni awavya owo anaphwanya; ni wa awokotcha owo n’nahuleliwa.

Ntakhara yela, othene yawo eniwa masu aka yala, ni wera, kinarwa‐káphwanaphwaniha ni mutchu owarála, ámakile empawe va mwala

Ntakhara awe itchu sothene mwatchunaka wi atchu yerele nyuwo, nyuwo’tho muwerele yawo sawihiha. Yeyo ti malamulo ni alipa‐miririmo.

Vawi mukhora ori wonimuwa, ni yoyevasha ephiro eyo yoyano wukumini, nave óphwanya yeyo ari awalakhanyeya.

Volowani va mukhorani wonimuwa: ntakhara mukhora ori mtokotoko, ni ephiro yoyano wutholowani ti yokothóla; nave ari anchipale yawo enavolowa’mo.

Hihá, khwino nyuwo, muri onanara, munnawerya ovaha anamwananyu samahala saphama, wopwaha wawihai nki Atithinyu a Wirimu anarwa‐avaha itchu saphama wa yawo ómveka Yowo?

Muhithoriherye, wi muhithorihiwe. Vawi ni othoriha wiwo munathorihanyuno, nyuwo’tho munarwa‐muthorihiwa: nave ni mweryo yowo muneryanyuno, onarwa‐weryiwa wa nyuwo’tho.

Nave othene awiwa masu aka yala, ni ohera, enarwa‐ephwana?-?phwanihiwa ni mutchu olosowa yowo ámakile empawe va ehávani

Nave onona hai mwékokhola ori mu nithoni mwa munná, nyenya ekhukulu eri mu nithoni ná weyo mwanene honupuwela? Akhweya onarwa‐wi hai wa munná, Nkakemyererye kithanle mwékokhola mu nithoni ná; nave ona, ekhukulu eyo eri mu nithoni ná nla.

Weheryani musepe alipa‐miririmo ówoka, yawo enarwa wa nyuwo ni sowara sa ipuchepuche, nyenya mpuwa mwaya ari anapíli óluwa, munarwa‐mwásuwela ni sawima saya. Mano ennarukula mpesa va míwani, nari makúkhu va murulani?

Hihá, mwiri wothene waphama onima sawima sosiva; nyenya mwiri wawucha onima sawima sonanara.

Howerya mwiri waphama wima sawima sonanara, nari mwiri wawucha wima sawima sosiva.

Miri yothene yohima yawima yosiva, enathikiliwa evonyiwa o moroni.