Priljubljene svetopisemske vrstice iz S. Juan 8

Deli

Ka' t'ʌnʌ Jesús, tu ya'a: —Ten Lʌjien u sasi a lu'm, a mok ku t'urken, binukaj ts'abati' u sasi a ku ts'ek u kuxta y mʌnʌ' u yʌ mʌn yok'o ak'ʌ'.

Bi a k'o'ote'x u taji a ba' y u taji a ba' ku bin u siptike'x.

Tu ya'a Jesús ti' a judíos a tu ch'a u t'ʌn: —Wa teche'x ka jach metke'x in t'ʌn, ka jach bin a meta bʌje'x in jach kʌ'sa winiko'.

Bein wa u Ti'a K'uj ku siptike'x, a teche'x jach tu jay sipte'x.

Y tu muj ts'oko u k'ata ti' a Jesús, lik'i y tu ya'a tio': —A mok mʌnʌ' u k'ebʌn yoko teche'x, lʌji' u yʌ ch'ine tunich ti a ch'upra.

Jesús tu nuka: —Jach tu jay ki wei'k teche'x, a mok ku kʌxtik u k'ebʌn lʌji' chukʌ' ti' u k'ebʌn.

Y Jesús tu ka tajkitubʌj, y mix mok tu yira, toj ja'ri' a ch'upra, y tu ya'ti': —Ch'upra, ¿tu laj bino' a ku pʌk'ik a pach? ¿Mix mok tu ch'ina tunich tech? A ch'upra tu nuka: —Mix mok Ts'uri. Jesús tu ya'a: —Mix ten ki ts'ek a bo'tik a si'pi, jay xen, y ya ma' kʌxtik a k'ebʌn.