Priljubljene svetopisemske vrstice iz S. Juan 4

Deli

K'uj mʌnʌ' u bʌk'e bix a winik, a ti' lʌiti' u Pixʌn K'uj y a mok ku k'ujintik yʌnti' u ki k'ujintik a bex u k'at u Pixʌn K'uj.

Binukaj tar u k'ini a lʌji' a beje' yaj k'uchi u k'ini tuk'in ku lik'o a mok ku jach ki k'ujintik K'uj a bex u k'at u Pixʌn K'uj, toj bex u k'at ak Tet u ki k'ujinta'.

chen a mok ku yuk'ik a ja' a kin bin in ts'ae, mʌnʌ' u yʌj uk'ajchʌ, a lay a ja' a kin bin in ts'ae binukaj waya jump'eri' ja' a muj xu'pu u jok'o ti' u kuxta tu woro k'in y mʌnʌ' u yʌ kimi.

Jesús tu nuka ti': —Wa a we bai poch u ts'ek tech K'uj y bexi' o a k'omʌ moki a tʌn u k'atik tech: ts'ae in wuk'u, a bʌji' tech ka bi a ka' k'ate ti', y a ti' bi u ts'atech jump'e ja' a lʌji' ku ts'ek a kuxta.

Chen Jesús tu nuka tio': —A ten in wo'ch, lʌji' in metik a baij u k'at a mok tu tuchi'ten y in ts'osik u meaj.

A ch'upra tu nuka ti': —Ts'uri, a jor tu yʌn a ja' ne tʌm y mʌnʌ' ba' yete ti a jarik a ja': ¿Tu ka bin a ch'ae a ja' a ka wei'k a ku ts'ek in kuxta?

A ch'upra tu nuka: —A ten in we, je'e u tar a Mesías a lʌji' u k'aba' Cristo, ti' ka tak jeu' laj ki' tsikbʌtik to' tu woro a ba'. Jesús tu ya'ti': —A Ten Lʌjien a Cristo, a tʌn u t'ʌn yete tech.

—Ko'tene'x a wire'x junturi' xi'ra, a to'o tu laj a'ten baij in meba, ti a wirke'x. ¿Wo mo' lʌji' a Cristo?