Priljubljene svetopisemske vrstice iz S. Juan 12

Deli

Wa yʌn mok poch u meaj ti ten, ka tak tin pach, y tuba ti'en bexi' tiʌ a mok ku meaj ti' ten. Wa yʌn mok ku meaj ti ten, in Tet jeu ts'ek u siji ti'.

A mok ne otsi u yik u kuxta, binukaj u sʌte, chen a mok muj tukrik u kuxta way yok'o a lu'm, a lay ku li'sik u kuxta a mʌnʌ' u yʌ kimi.

Jach toj tu jay ki wei'k teche'x, wa u nek' a trigo muj jutu ix lu'm y ku kimi, ku p'ata tu juni', chen wa ku kimi jeu u jok'o u ka' ich jach ya'p.

A ten lʌjien a kip' aj taren in tichk'ʌ'te a lu'm, ti' a mok ku yaksik tu yor ti' ten mʌnʌ' u p'ata tu ts'uak'ʌ.

A mok ku yui'k in t'ʌn y muj metik, mo ten ki bin ts'a u bo'tik u si'pi, a ten mo' taren ti in ts'ek u bo'tik u si'pi tu woro a winik, a ten taren ti in bisko' ix kʌ'.

Y a María tu tasa a perfume u k'aba' nardo y chumuk litro u ya'p'i y bexi' lʌji' a to'o jach ne ko'o y ne tsoy a perfume, y tu jochkinta yok'o u yok a Jesús y yete y tso'tse u jo' tu ka' tisa y tu woro a nʌj tu tio', laj turi u bok yete a lay a perfume.

Lʌji' ka tu xat'o' u k'ʌ' a che' a u k'aba' palmera a be tuts u le' y jok'o u yiro' Jesús y tʌn u k'ʌ'm yei'ko' bex: —¡Hosanna! ¡Kaj k'ujinte a ku tar a je' aj tuchi'ta ti ik Ts'uri a lʌji' u Wesi a Israel!

Jesús tu nuka tio': —K'uchi u k'ini ti' u yueta' jach moki u Ti'a Xi'ra.