Priljubljene svetopisemske vrstice iz Luuka 5

Deli

Bu nde hamani uyihasa, nde aleeli huli Simoni: «Susaha hu idongi, na lihani malihi ma benu mu ulobo.»

Simoni afutili: «Mulongisi, bisu limiisala butsuhu bwosi, hwavele ubaha isiha. Ka bu we miileele, me tsa ndiha malihi.» Ni mu buuna, Simoni na bakima baalihi malihi ma bo mu dyanga. Bo baabahi batswi babalahi, na malihi ma bo maakakana utudaha.

Ka nde asiisi bo, na ayeni hu mambuha ma busiha mu usambila Nzambi.

Me a hanza mu uteele babaakuha ve, ka banga masumu. Me anzateele bo mana bo basobo mbiili a bo, na uya huli Nzambi.»

Bu Simoni Peetelo hamoni buuna, nde atsokimi ŋa busu bwa Yisu na aleeli: «Pfumu, tahuha na me, ka me ni nga masumu.»

Yisu afutili bo: «A ba bali polo bubaasaha mubuhi ve, ka ni babeedu.

Titswene, Simoni na bakima baabehi maluungu ma bo hu simu, bo baasiisi byosi, na baaduukili Yisu.

Ka bu Yisu hatoodi hu musyenge mumosi, bahala limosi nga bwatsi, aba huuna. Bu nde hamoni Yisu, nde atsokimi, hiinzi mu toto ŋa busu bwa Yisu, na nde asambili ti: «Pfumu, tso we tondi, we utwala utsyemese me.» Yisu alabi kaka la nde, abembi nde, na aleeli: «Me tondi buuna: ba watsyeme!» Mu tangu moyiina, bwatsi bwamati mu nde.

Lidumu la Yisu laakafulala uyenelele, na makonge mamalahi maakakukama mu uyuha nde, mana nde abeeloso babeedu.