Priljubljene svetopisemske vrstice iz К Римлянам 4

Deli

Ухпықинанӣмаңитуқ талўа айгуӷикумаңита̄ Кияӷныӷым акықуся̄. Иўырңа ухпықӣӷатаӷақақ, усюқыхка̄лъю Кияӷнық. Авраамым ипапиҳқуткыңъўа̄қақа̄ Кияӷныӷмун пияҳқақнилюку акықусяқыхкани.

Акузитни Игақыхкани игақңа̄қ: «Атаңуҳтыстамкын угляпихлъыҳӣнун нунат югитнун». Кияӷныӷым таўатын акықыхкақа̄ Авраам қаюҳлъяк ухпықыхкаңа Кияӷнық. Кияӷныӷӯқ туқуканың уңуваҳтикаюк, қылӷилъыӷмикунлъю улиматкаюк сямың сяңилңуӷмың.

Кияӷныӷым тӯныхкақа̄ Иисус туқуматкысқылъюки сыӷлыҳқылъыпут, уңуваҳтыкақа̄лъю налъҳусяӷналюта ылъқуӷутңалъыӷминун.

Авраамым авақутилъыҳқа̄ сиӷиманӣтка̄гуқ. Иўырңа ухпықыхкақа̄ Кияӷнық, сиӷимакумаңинақақа̄лъю. Ынка̄м атаңуҳтыка̄гуқ угля̄пихлъыҳӣнун нунат югитнун. Хўатын Кияӷныӷым пикақа̄: «Киңуныҳтын кыстыпагниңисяҳқа̄гут».

Тама̄кын апалъюқлъюку ухпықилъыӷмыхтыхун югыт алъхыҳта̄т Кияӷныӷым акықуся̄ акиңилңӯлюку тунусяқ. Ынка̄м қамахлъютың Авраамым киңунӷита алъхыҳтыпыста̄ҳлъықа̄т Кияӷныӷым акықуся̄. Та̄на акықусяқ Иудеяңинаҳаӷнун аюқынӷитуқ Лӣлиҳтӯсялыгнун. Иўырңа ухпықилӷӣнунлъю аюқуқ Авраамым ухпықилъҳатун. Ынка̄м Авраам қамахлъюта атакаҳпут ухпықилӷӣни.

«Қуястыка̄гут тама̄кут сыӷлыҳқылъҳит Кияӷныӷым сыӷывуткӣ, анахутылъҳит ся̄пыхкӣ! Қуястыка̄гуқ ю̄к сыӷлыҳқылъҳи Атанӷым сюмыӷмикнаниқаңи».

Акузитни Игақыхкани игақңа̄қ хўатын: «Авраамым ухпықыхкақа̄ Кияӷнық ынка̄м ухпықилъҳа апалъюқлъюку Кияӷныӷым тугуклъиқақа̄ ылъқуӷутңалӷӣңулюку».