Priljubljene svetopisemske vrstice iz К Колоссянам 3

Deli

Сякшитутыхпынаси иўырңа сыӷывутулъюси. Килъю анахтыкаңиси сыӷывунъакыси катам Атанӷым сыӷывутылъҳистун лъпыси.

Сю̄мқақитыки тама̄кут қилягмылңӯт, нака̄н тама̄кут нунамылңӯт.

Сялъыҳпысини тамаҳа̄ни қыпҳаӷақитык пинақылъҳаҳси қамахтӣлюку қыпҳа̄тыпихлъыҳӣстун Атанық, нака̄н югнун.

Кияӷныӷым юкӣси аглыӷналӷӣт, пиниқыпихтӣсилъю. Накмикыхкақӣси. Ынка̄м наңлъыхтаӷлюси, наңлъыкилюси, қусывыхлъюси, якуқлъюси, нуқынъыҳтулюсилъю.

Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның. Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.

Қамахлъютың тама̄кут мыгнунаҳтут иўырңа пиниқылъық мыгнуналъыҳпига̄гуқ. Пиниқутылъҳым ата̄сӣҳтыңъўа̄ӷӣлъю.

Уңуваҳтыка̄тыхпысиның малигулъюси Христосымун, пиюкақитыки сяңўа̄т Кияӷныӷым лъпысинун пикысқылъюки қилягмылңӯт. Таўани Христос ақумга̄қ аӷынқигныӷакун Кияӷныӷым.

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.

Та̄қитыки атуқныӷмың югусиҳпыси сыӷлыӷыт пиюкылъҳит, катам алъянӣқ, укмаңинъыӷилңуқ кияҳта̄лъық, атуқсюлъҳа сыӷлыӷым, пакигнӣқлъю. Пакигнӣқ манигӯлъҳӣстун кияӷныңлъяқанун аюқуқ.

Таўатын сюмыҳтаӷаӷақитык қаюҳлъяк туқука̄гуси. Уңувалъыҳси ӣӷңа̄қ Христосыми Кияӷныҳқун.

Иўырңа ма̄тын атуқнаниҳтыки қамахлъюки укут: сякша̄, сякша̄ҳлъяк, угумикыра̄қ, сыӷлықӯқ, сыӷлыӷмыңлъю акузиткилъық.

Иқлъыңиқутыхпынаси қаюҳлъяк та̄қума̄ҳси кияҳта̄лъылюхси, айӷӣткақсяқысилъю. Ынка̄м кияҳта̄лъыӷраӷақ атуқа̄ҳсима̄ҳси. Нутаҳтыңъӯси, Улимаӷистыхпысистунлъю лъӣӷӯси. Тама̄кын апалъюқуку лӣгикыкыстаӷаҳси Кияӷнық кинаҳпига̄таңа.

Угини, пиниқлъюки нулӣси, якуқлъюки пӣқитыки.

Таӷнуҳаӷни, қа̄ткылъюки аңаюқаси сялъыҳқун тамаҳа̄кун, қаюҳлъяк таўатын пилъҳым ыфқуҳтақа̄ Атанық.

Нулӣӷни, малиҳқутақлъюси угихпысинун қаюҳлъяк таўатын Атанӷым писқысюўӣси.