Priljubljene svetopisemske vrstice iz 2е Петра 2

Deli

Та̄ўа лӣтаҳпут, Атанық лӣсимакуқ натын югулилъыҳқамың ылъқуӷутңалӷӣт югыт, нанӷӣҳсяӷалъыңынӷата. Кылыңакңўӣлъю сыӷлыӷыт югыт аӷью̄лъыңылъыӷмылңӯт, утақӣмалюки Аӷныӷанун Нанқихтилъҳым.

Тама̄кут югыт, лӣтңўа̄ӷлюку аглыӷналӷӣ қылӷусяқ алъхыҳтыкаҳтың, тунуткақа̄т. Итагнаӷатаӷаӷнаяҳтут лӣсимаңисяқумыхтыху ылъқуӷутңалӷӣ кияҳта̄лъық. Таўатын аныҳтылъҳита ипаңуҳтыста̄т югыт пилъҳат: «Қикмим утыҳфикақа̄ миӷьяқани, куругақлъю уӷвуҳқыхкақ аглянқихлъюни уӷашамун миңуӷунъықихтақуқ».

Апыҳтуӷистысиӷўа̄ӷыт уңипа̄ткақӣт тама̄кут югыт итымңанилюки сямун алңунак пиюкылъҳитнун, лъңит катам итымңаңунӷитыӷңа̄ӷмың. Қыпҳаҳтыля̄ӷӯт сыӷлыҳқылъыӷмыхнун ынка̄м сыӷлыҳқылъҳита на̄фқысяқлъыгўӣ. Ю̄к қыпҳаҳтыля̄ӷӯқ алңунак сямун иглықатақилӷӣмың лъңанун.

Югыт лӣтақңамыхтыху Атаныҳпутлъю, Югулиӷистывутлъю Иисус Христос анагьяҳқақа̄т нукыхна̄ нунам. Иўырңа утыӷнинқихтыкумың сыӷлытун кияҳта̄лъыӷмыхнун а̄ҳқутақысимакумыңлъю тама̄кунун, та̄ўа кияҳта̄лъҳит сыӷлыӷатаӷа̄яҳқа̄гут пиюхўа̄лъыӷмыхның.

Сивунӷани агани ӯкналиқистысӣӷўа̄ӷыт акулңитнисяҳтут Кияӷныӷым югитни, катам апыҳтуӷистысиӷўа̄ӷыт акулыхпысинилъықут. Налъюныҳпысини апыҳтуҳлъықӣси иқлъыңамың на̄фқынъалюки ухпықилъыси. Қайўа Христосым Пилӣтыстыңита тукфиқақыӷңӣстың итымунъалюки сыӷлыҳқылъҳитның, паниның пикнаниҳлъықӣт. Ынка̄м нӯскаган лъңитның на̄фқыслъықут.