Priljubljene svetopisemske vrstice iz മര്‌ക്കോസു 12

Deli

ഏസ്സ് അവാര്‌ക്ക് ഇത്തെ സൊന്നാന്: << <ഇസ്‌റവേല്‌ഗാറാരെ കേ്ള്‌ന്! സാമി നമ്മ് ആണ്ടവാന്‌ത്തെ. ഈ സാമി ഒന്റേ ഒന്റു ആണ്ടവാന്‌ത്തെ. ഈ സാമി അല്ലാദെ ബേ്റെ ഒന്റു സാമി ഇല്ലെ. നമ്മ് ആണ്ടവാന് സാമിന നീ ഉജുരുക്കുജുര സീവാന്‌പഡുഡൊ. അദ് എത്തെ എന്റദാന, നമ്മ് സാമിനത്തെ മനേസ്സാറ സീവാന്‌പഡുഡൊ, നമ്മ് ഉജുരുന കൊഡുത്തുമു സാമിനത്തെ സീവാന്‌പഡുഡൊ, നമ്മ് സാമിനത്തെ എന്നാല്‌ക്ക്‌മ് നെനേക്കുഡൊ, നമ്മ് മുജുവുന ഒട്ടുക്കുമു സാമി ഗിലാസാക്ക്‌ത്തെ കൊഡുക്കുഡൊ.> ഈത്തെ മുക്ക്യമാന കല്‌പനെ. <നിനാന സീവാന്‌പഡുവ പാസെ അഡ്‌ത്തവാര്‌നാമ് സീവാന്‌പഡുഡൊ.> ഇദ്‌ത്തെ റണ്ടാവാദ് കല്‌പനെ. ഈ റാഡ് ദൊഡ്ഡ കല്‌പനെഗാള്‌ന ബ്‌ഡ ബേ്റെ ദൊഡ്ഡ കല്‌പനെഗാള് ഇല്ലെ.>>

ഏസ്സ് തന്ന് സൊല്ലുപഡി നഡാക്ക്‌ന്റവാര്‌ന അര്‌ഗെ ബ്‌ളിത്ത്: <<ആന ഈ ഏ്ളെ മ്‌ണ്ടേസി റാഡ് പണാത്തെ ഉണ്ടിഗേക്ക് ഇക്കിര്‌ന്റാള്. ആന എല്ലാര്‌ന ബ്‌ഡ അവാള് മൊത്തന ഇക്കിര്‌ന്റാള് എന്റ് നാന് സത്ത്യമായി നിമാക്ക് സൊന്റെ. ആള്‌ഗാളൊട്ടുക്കു തമ്മ് സൊത്തുലിന്ത്‌ത്തെ കാണിക്കെ ഇക്ക്‌നാര്. ആന ഈ ഏ്ളെ മ്‌ണ്ടേസി ഒന്റുമില്ലത്തവാളായിന്ത് ഗുഡി തനാക്ക് ഇര്‌ക്കുവാദ്‌ന ഒട്ടുക്കു ഇക്കിര്‌ന്റാള്. തനാക്ക് പെ്ളേക്ക്യ ഇര്‌ക്കുവാദ്‌ന പൂരാമ് ഇക്കിര്‌ന്റാള്>> എന്റ് സൊന്നാന്.

ഏസ്സ് സാമിബീ്ഡ്‌ല ഉണ്ടിഗേക്ക് അര്‌ഗെ കുക്കാന്തിന്ത് ആള്‌ഗാള് കാണിക്കെ ഇക്കുവാദ്‌ന നോഡികൊണ്ടു ഇന്താന്. എഞ്ചോ പണഗാറാര് മൊത്തന പണഗാള് ഇക്ക്‌നാര്. ആന ഒന്റു ഏ്ളെ മ്‌ണ്ടേസി ബന്ത് ബെലെ കൊറേവിര്‌ക്കുവ റാഡ് ഒട്ടിപണ ഇക്ക്‌നാള്.

നിന്ന് സാമി ആണ്ടവാന്‌ന എല്ലാദ്‌ന ബ്‌ഡ സീവാന്‌പഡുഡൊ. അദ് എത്തെ എന്റദാന, നമ്മ് സാമിനത്തെ മനേസ്സാറ സീവാന്‌പഡുഡൊ, നമ്മ് സാമിനത്തെ എന്നാല്‌ക്ക്‌മ് നെനേക്കുഡൊ, നമ്മ് മുജുവുന ഒട്ടുക്കുമു സാമി ഗിലാസാക്ക്‌ത്തെ കൊഡുക്കുഡൊ. നിനാന സീവാന്‌പഡുവ പാസെ താനെ അഡ്‌ത്തവാര്‌ന സീവാന്‌പഡുഡൊ. ഈ റാഡ് കല്‌പനെഗാള് പഡി നഡാക്കുവാദ്‌ത്തെ നേര്‌സെ പലി കൊഡുക്കുവാദ്‌ന ബ്‌ഡ ദൊഡ്ഡാദ്.>>

<<അത്ത്യാന, റോമ നാഡ് രാജാവുക്കു കൊഡുക്കുവാദ്‌ന റോമ നാഡ് രാജാവുക്കു കൊഡുനു, സാമിക്ക് കൊഡുക്കുവാദ്‌ന സാമിക്ക് കൊഡുനു>> എന്റ് ഏസ്സ് അവാര്‌ക്ക് സൊന്നാന്. ഏസ്സ് സൊന്ന നായന കേ്ട്ട് അവാര് അന്തബ്‌ട്ടാര്.