Priljubljene svetopisemske vrstice iz Mata 19

Deli

Ama Yesuw a fə̀r aà tar, a gwaɗa a tar: «I təv mburma ka, mawùràba ŋa, ama i təv Mbulum ka, mawùràba ŋa tsa, a sle a aà duwa tserdze.»

Kərga taŋa ya kaɗəŋ, ba tar ka, sula asa tsa. Ama ba tar ka, aka ne ba ilik kuɗa. Aɗaba taŋa, dukw ana Mbulum a gaw akaba kamala taŋa ya ka, wura ma ta kurə̀zl dər iba ya asa tsa.»

Yesuw a gwaɗa a tar aaka: «Kàa dzeŋgwim dukw ana mewetse ŋa i wakita Mbulum a te tsiye? Aɗaba akahər ana Mbulum a ge gà dukw tserdze ya ka, a ge gà asləka nda məkəs,*fa* dite a gwaɗa a tar: <Aɗaba taŋa na kinehe, asləka a miyek a à gà tsir ŋgar nda mama ŋgar, dite ti ndze a nda məkəs ŋgar a. Tar ata sula ya ka, ti ne a ba ilik.>*fb*

Ama Yesuw a tsaraka məpala ahəm gà mburma ŋgar ata ta pele a a gà tsir gà ɓəza ya ka, a gwaɗa a tar: «Mandza, ka palum a tar ahəm tsa, tə dara à gà ɓəza a təv ga ya. Aɗaba mekwere Əbay Mbulum a waya ka, medzibe gà mburma ana kamala gà ɓəza aaha ya, na ti de aɗəm a ya.»

Ama gà mburma ana kinehe ta gwa, gà mər ŋa ya ka, gà asiŋ ŋa hinne ti ti ne a gà ɓəzla dəba mba ika miɗ Mbulum. Dite gà na kinehe ti tike tar aà ahər tsiye ka, gà asiŋ ŋa ibam hinne, ti ti ne a gà ɓəzla aka miɗ mbaŋa asa.»

Yesuw a gwaɗa a tar asa: «Ku weke na aka miyak aba à ga ŋgar a, kige tsa à gà damər ŋgar, nda gà tsir ŋgar, nda gà mama ŋgar, nda gà ɓəza ŋgar, dite nda gà gùvàh ŋgar agəra iye ka, a ŋget aɗəm a, à zè a taŋa a miyak dər aba kinehe ya medzige dərməka. Dite a ta ŋget a mesife ana à ndìv a tsa aà biybiy a asa mbaŋa.

Yesuw a gwaɗar: «Na a sàsak magəsa Mbulum nda ndzer ka, daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya ka dara, ka zezem iye kuɗa.»

Yesuw a gwaɗar aaka: «Aàmala na ki wiz a aà iye a dukw ana ŋgwal ŋa ya? Ama wura a riŋ ilik na ŋgwal ŋa ya tsa, say Mbulum ilik. Na a sàsak mesife ana à ndìv a tsiye ka, say ki gis a məpala ahəm ŋgar.»

Kinehe iye ihər i tsik a kurum a asa: Ndəna gà ɓəzla limana ti de a mekwere Əbay Mbulum a ka, ŋgulum zlìgwèmè ma da nda biye lepìrè.»

Iye ihər i gweɗe a kurum a nda ndzer: Ku weke na aka miyak à məkəs ŋgar ze melè ahər aka mege muva, dite aka zla aɗəm biy ŋgiɗ ka, taŋa ka, a ge muva.»

Aləka i dəba ŋa ya, Yesuw a gwaɗa a gà ɓəzla mazazama ŋgat: «Iye ihər i tsik a kurum a nda ndzer: Mawùràba aà mada a mekwere Əbay Mbulum gà ɓəzla limana kaɗəŋ.