Priljubljene svetopisemske vrstice iz रोम 2

Deli

पण तू जखो अ सगळा काम करबाळा को न्याय करै ह जदकी तू खुद अ काम करै ह, जणा तू के जाणै ह क तू परमेसर का न्यायऊँ बच ज्यासी? थे बिकी दया अर बिकी सहनसिलता अर बिका थ्यावसनै ख्याई जोगो कोनी समजो के? तू सचमई जाणै ह क परमेसर की दया तनै पापऊँ मन फिराबा कानि लेज्यावै ह।

थे जखा दुसरा को न्याय करो हो थारै कनै कोई भानो कोनी क्युं क थे दुसरा की जखी बाता को न्याय करो हो बा बाता म खुदई दोसी हो। जखी बाता को थे न्याय करो हो बे बाता थे खुदई करो हो।

परमेसर भेद-भाव कोनी करै।

क्युं क नेम-कायदानै सुणबाळा परमेसर की नजर्या म धरमी कोनी होवै, पण बिपै चालबाळो धरमी बाजै।

क्युं क परमेसर हरेकनै बिका करमा गेल फळ देसी।

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।