Priljubljene svetopisemske vrstice iz यहून्ना 15

Deli

“म अँगूरा की बेल हूँ अर थे डाळ्यां हो। जखा बी मेर म अर म बामै बण्यो रेह्‍ऊँ जणा बे बोळा फळसी क्युं क मेरै बिना थे क्युंई कोनी कर सको।

थे मेर म बण्या रेह्‍ओ, जणा म बी थारै म बण्यो रेहस्युं। एक डाळी खुदऊँ कोनी फळ सकै, फळबा ताँई बिनै बोजा म लाग्यो रेह्णो पड़ै ह। अंय्यांई थे मेरै बिना कोनी फळ सको।

ज थे मेर म अर मेरा बचन थारै म बण्या रेह्सी, जणा थे जोक्यु बी थारी इंछ्या गेल माँगस्यो बो थानै मिलसी।

थे मनै कोनी टाळ्या पण म थानै टाळ्यो हूँ, अर थानै बोळा सारका फळ ल्याबा को काम सूप्यो हूँ। अंय्यां का फळ फळो जखा सदाई बण्या रेह्‍वै, अर इ बजेऊँ परम-पिता बो सक्यु देसी, जोक्यु बी थे मेरा नामऊँ बिऊँ माँगस्यो।

भाईला ताँई पिराण देबो सऊँ बडो परेम ह।

बो माली हरेक बी डाळीनै काटै ह, जखी फळ कोनी ल्यावै, अर बि डाळीनै छांगर साप करै जखी फळ ल्यावै ह, जिऊँ बा ओरबी फळै।

मेरो हुकम ओ ह, थे आपसरी म परेम राखो, जंय्यां क म थारूँ परेम करूं हूँ।

जखी परम-पिता चावै ह, थे बंय्‍यांई करो जणा इऊँ परम-पितानै मान मिलसी अर जणाई बेरो पड़सी क थे मेरा चेला हो।

“सची अँगूर की बेल म हूँ। अर परम-पिता इ बाग को माळी।

जखा मेर म कोनी बण्या रेह्‍वै, बे बेकार डाळ्यां की जंय्यां हीं जानै सूकबा ताँई फेक दिओ जावै। अंय्यां की डाळ्यां आग म बाळी जावै ह।

म आ बात थारूँ इ ताँई बोल्यो, क मेरी खुसी थानै मिलै, अर थे सची खुसीऊँ भरपूर होज्याओ।

ज थे मेरा हुकमानै मानस्यो, जणा मेरै परेम म बण्या रेहस्यो जंय्यां क म परम-पिता का हुकमानै मानू हूँ, अर बिका परेम म बण्यो रेह्‍ऊँ हूँ।

जणाई म थानै हुकम देऊँ हूँ, क थे आपसरी म परेम राखो।

ज थे इ जगतऊँ लगाव राखता जणा ओ जगत थारूँ परेम करतो। पण म थानै इ जगतऊँ टाळ लिआ क्युं क थे इ जगत का कोनी जणाई ओ थारूँ बैर राखै ह।