Priljubljene svetopisemske vrstice iz 1 कुरन्थीयो 12

Deli

एक दुसरा की भलाई ताँई पबितर आत्मा खुद हरेक बिस्वासी क जरिए न्यारा-न्यारा तरिकाऊँ परगट होवै ह।

अंय्यांई थे सगळा मिलर मसी की काया हो, अर हरेक बिकी काया का अंग हो।

इ ताँई ज काया को एक अंग दुख पावै जणा बिकै सागै सगळा अंग दुख पावै ह अर ज एक अंगनै मान मिलै ह जणा सगळा अंग बिकै सागै राजी होवीं हीं।

अर पबितर आत्माऊँ एकनै बुदी भर्यो समचार अर दुसरानै ज्ञान की बाता बोलबा ताँई दि जावै ह। अर पबितर आत्माऊँ कोईनै बिस्वास करबा ताँई बरदान अर कोईनै इ पबितर आत्माऊँ निरोगो करबा को बरदान दिओ जावै ह। जणा कोईनै चमत्कार करबा की सक्‍ति, कोईनै परमेसर की बाता खेबा को बरदान अर कोईनै आत्मानै पिछाण्बा को बरदान। अर कोईनै भात-भात की बोली बोलबा को बरदान अर कोईनै बोली को मतबल बताबा को बरदान दिओ जावै ह।

पण अ सगळा काम एक पबितर आत्मा करै ह अर बो जिनै चावै बिनै अ बरदान बाट देवै ह।

जिऊँ काया म फूट नइ पड़ै पण काया का अंग आपसरी म एक दुसरा की चिंत्या करै।

बरदान तो भात-भात का हीं। पण हीं बि एक पबितर आत्मा का; अर सेवा बी कई तर्याऊँ करी जावै ह, पण सेवा तो बि एक परबु की करी जावै ह; अर काम करबा की न्यारी-न्यारी चिजा होवै ह पण परमेसर एकई ह जखो सगळानै एक खास काम करबा की काबलीयत देवै ह।

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

क्युं क काया एक अंगऊँ कोनी बणै पण कई अंगाऊँ मिलर बणै ह।

पण काया म अंय्यां का बी अंग ह जखा दुसरा अंगाऊँ कमजोर हीं पण बे ओर बी बेत्ती जरूरी हीं।

अर ज सगळी काया आँखई होती जणा सुणता कंय्यां? अर ज सगळी काया कान होती जणा सूँघता कठैऊँ? पण परमेसर आपकी इंछ्या गेल जंय्यां बो चायो बंय्‍यांई काया का हरेक हिस्सानै बणायो। अर ज सगळा हिस्सा एकसा होता जणा काया कठै होती?