Priljubljene svetopisemske vrstice iz Fuɗɗoode 37

Deli

Nyalaane gom Yusufu hoyɗi go o bati mawniraaɓe makko koyɗool makko o wi'i

Yaakuubu, noddeteeɗo kade Isira'iila yiɗii Yusufu ɓuri sukaaɓe mum horiiɓe. Gam kanko nun o rimanaa e dottinnaaku makko. O sannyani mo toggoore ne ceede, ne noone feere feere.

No mawniraaɓe makko yi'i no baaba maɓɓe e yiɗi mo ɓuri ɓe ɓe fu, ɓe banyi mo, ɓe baawataa kade baddugo mo e yidde.

Ɓaawo mum o hoyɗi kade koyɗool gonŋol. O bati ŋol mawniraaɓe makko o wi'i: Mi hoyɗii kade ji'umi naaŋe e lewru e koode sappo e ɗiɗi wari e jiccanoo am.

Mawniraaɓe makko waɗiri mo nawniraagu, amma baaba makko e jogoo ka ka fu der ɓerne mum.

Kettinee mi bata on koyɗool am ŋol koyɗumi. Min e mon, en kaɓɓii kaɓɓe alkamaari deme. Ɗon nun haɓɓere am ummii darii. Go kaɓɓe mon wari filfitii ne e jiccanoo ne. No ɓe nani ka, ɓe banyi mo ɓe ɓeydi.

Garee, hanne kan, baren mo, paɗɗen mo e lokooji jorɗi ɗii ɗo gootol mum, bi'en rawaanu ladde nun nyaami mo. Den mum en ji'an no koyɗaaji makko ɗin laatortoo.

No Isuma'iilankeeɓe laatiiɓe himɓe leydi Madiyan ɓen yottii, mawniraaɓe Yusufu wurtini mo diga e lokooru jorŋol ŋol, sippiri mo Isuma'iilankeeɓe ɓen ceede cardi laso (20). Go ɓee ɗon yaari mo faa leydi Misira.

Ɓe bi'i hakkune maɓɓe: Mo koyɗaaji men e wara.

No ɓe kolliri mo diga woɗɗi, diga o yottaaki ɓe taw, ɓe baddi ɓe bara mo.

Rubeni wi'i ɓe: To on reƴƴitee ƴiiƴam, paɗɗee mo der lokooru jorŋol gonuŋol der ladde yorne ɗoo, to on meemee mo. Gam o yiɗuno nun daɗingo mo diga e juuɗe maɓɓe, den o hoora mo to baabiiko.