Priljubljene svetopisemske vrstice iz Romanɛ 8

Deli

Klɛ bu nyi sɛ nɛ ebui nɛ petee mɛ Kpaya awa kɛxwɛ akɔ bagɛ ba ɖɔ yɛ nɛ tɛpɛ̃pɛ, gɛ be kulu nɛ yɛ kɛgɛ apɛɛ nɛ nu.

Alasɛ kixuim sɛ butsi ɔdɔgɔsɛ ɛkpã o, kpayaxwɛdɛ ɔdɔgɔsɛ ɛfufɔɛkpã o, ɔtsɔ̃ ɔdɔgɔsɛ otugbam, ɔdɔgɔsɛ kemi kanyaka, buɖɛɖama ɔdɔgɔsɛ budzudzu o, ɔdɔgɔsɛ kɛdɔnyɛdɔɛdi nɛ kanɔa nɛm petee, kɛlɛ ba na lɔ pɔ nɛ Kpaya tɛɖuɖɔ nɛ gɛ kpasɛ Kristo Yesu bulɔ Apalete nɛm kɔ lɔ.

Kidzoe lɛ nɛa bha ke, Ɔfufɔɛ nɛ ɔga pɛ lɔ plɛnɔ lɔ nɛ kibe lɛ gɛ budɛ gɛganɛ nɛm. Bu ti nyi kɛdɔnɔ nɛ gɛ kɛlɛ alasɛ bu kulukpaya kɔ, pɔ Ɔfufɔɛ nɛ nahwɛ ovuibue nɛ lɔ nu nɛ tininimi nɛ gɛ atɔnu tɛ ba naa bu kasɛ.

Kɛlɛ, kide, lɔ ba ɖɔ yɛkɔ bu kibui nɛ nu? Onu gɛ Kpaya enu bulɔa yɛ, anee gɛ aba na kititi lɔ nɛ bulɔ shu?

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ

Anɔ gɛ abhɛtɛ buzizi nɛ tɔkpu mɛ nu butsi, pɔ kɛtɔkpu nɔɔ nɛm gɛ Ɔfufɔɛ ɔlɛ ɔŋa kɛlɛa bha nɛ nu ɛkpã nɛ ishuyuyɔ

Ao, nɛ ebuia nɛ mɛ petee bu dɛ banɔ gɛ ba ŋɛabha ganɔ anɔ nɛ gɛ aɖɔ lɔ nɛa bha.

Idi lɛ sɛ bulɔ ɔtsɔ̃ nɛ batɔ́ nɛ ama gɛ ba ba yɛkɔ sɔnɔ ishubhuibhui nɛ gɛ be be bu akasɛ nɛ bulɔ mɛ.

Anee gɛ aba pɔɛ lɔ ehle nɛ Kristo tɛɖuɖɔ kɔ lɔ nɛ shu? Bunuhu pɛnɔɔ, ɔdɔgɔsɛ kanɔmgɛganɛ ɔdɔgɔsɛ tɛkpɛkpatɔnɔ ɔdɔgɔsɛ bubhɛ ɔdɔgɔsɛ alagba ɔdɔgɔsɛ ɔtsrekpã ɔdɔgɔsɛ kɛpamɛ?

Klɛ agɛ ya nyɔ bulɔ idzyi nɛ mɛ enyi Ɔfufɔɛ nɛ tɔkpum, alasɛ Ɔfufɔɛ nɛ ovuibue nɛ banɔnɛna nɛ tɔkpu nɛ Kpaya tɛpɛpɛ nu.

alasɛ bagɛ Kpaya Ɔfufɔɛ nɛ ɔɔgbanɔ be nu Kpaya yeyialɛ.

Bagɛ ba lɛ nɛ ɛkpã nɛ buzizi mɛ tɛzɛza kidzoa bha, balɛ atɔkpu nɛm petee tsri kɛdɔnɔ nɛ gɛ tɛzɛzaɛlɛ nɛm bisi, pɔ bagɛ ba lɛ nɛ Ɔfufɔɛ nɛ kidzoa bha nɛ atɔkpu nɛ mɛ etsri Ɔfufɔɛ nɛ tɛ bibisia bha.

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

Ɔfufɔɛ nɛ nahwɛ obu ɔɖɔ plɛnɔ bulɔ ɔfufɔɛ nɛ ɔsɛ bu nu Kpaya yɛeyialɛ. Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Anɔ gɛ abhɛtɛ buzizi nɛ tɔkpu mɛ nu kititilulɔ nɛ Kpaya shu. Kɛ tɛɛ kpɛ kɛtɔkpuesi kɔ Kpaya ɔshã, ɔdɔgɔsɛ kɛ ba naa bhɛtɛ ana.

Kanɔ nɛ mɛ kepo nɛ kidzoenu didi gɛganɛ kɔ Kpaya yɛeyialɛ nɛ tɛbubukasɛ.

Bu nyi sɛ kanɔ nɛ petee kee nimi ansɛ onu gɛ ba ba mɔ eyi ɔyɛkɔ ɔbɔ tɔnɔ nɛ ɔtsɔ̃.