Priljubljene svetopisemske vrstice iz Mateo 26

Deli

“Nɔ za nɛ awɔ̃ tɛ no kulukpaya sɛ tɛ nɔ tɛ bɔ wɔlɛ ku tɛfifeke di mɛ. Ɔfufɔɛ nɛ xũ ɔpɛɔ sɛ, pɔ ishuidzya nɛ tɔ.”

Ɔkɛlɛ etsrea lɛ asɛ, “Mɛ ɔfufɔɛ nɛ oyuku nɛ same mamɔ mamɔ ɔyɛkɔ dɔ nanɔ butsi. Nɔ za nɛ awɔ̃ nɛ ɔkɛ̃ nɛ mɛ.”

Gɛ aza ga vɛ otugba kɛbɔɛ, awɔlɛ adɔ klɛ ayɛkɔ amɛnɛmɛ ekumuesi klɛ ekulukpaya sɛ, “Maka, onu gɛ kɛɛ ba za tɛbhɛbhɛtɛ mɛ, kɛlɛ tɛ ɔkɔ kantsea nɛ kafla mɛ nu. Pɔ ganɛ kana gɛ mɛ ɛpɛɛ, kana gɛ wɔ ɔpɛɛ kɛlɛ ba ba kɛlɛ mɛ.”

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Gɛ bedzi aŋa kɛdɔ nɛɛ, Yesu ayɛkɔ gbɛgbɛvu, ehu ahwɛ klɛ aya yɛmɛ, klɛ ayɛkɔ kɔ yɛ badɔkpasɛ, klɛ aɖɔ asɛ, “Nɔ yɛkɛ tɛ nɔ tã, mɛ shuidzya nɛɛ lɛ.”

Ɔkɛlɛ ayɛkɔ kantse, ehu ahwɛ klɛ ayɛkɔ kɔa lɛ, klɛ aɖɔ asɛ, “Nɔ wɔɛ̃ kɛdɔ nɛ kalɛm, wɔnɔ petee.

Ɔkɛlɛ gɛ etsodzi aba yɛ badɔkpasɛ nɛ ɔbha klɛ aba mɔ be dzi adɔ tra. Ebisi Petro asɛ, “Kɛlɛ so wɔnɔa nɛ ɔtɛ za nɛ awɔ̃ nɛ mɛ ɔɖɔ torikpo tsyɛ?”

Itsre nɔ, ɛtɛa wɔɛ̃ wayɛ̃ eyuyua denɔ ɔtsɔ̃ ɔdɔ nanɔ kibe lɛ gɛ ɛba wɔɛ̃ yɛ avuvɔ nɛ nɔ nɛ Maka bukusiɔŋakɔ nɛ mɛ.”

Ɔkɛlɛ Petro abaka ebui nɛ gɛ Yesu aɖɔ etsre yɛ asɛ, “Flogo tɛ ɔkukɔ ɔbɔ bɔ, wɔ ɔbɔ dɛada ada tata sɛ oti nyi mɛ.” Ɔkɛlɛ Petro ekoeyi ashɛ̃ klɛ ede bi iyuyo popoopo.

Nɔ lɔ, nɔ kɔ lɔ shɛ! Agɛ aga mɛesi nɛ yɛa baa!”

Pɔ Yesu etsre yɛ asɛ, “Yɛkɔ wɔ kɛpamɛ nɛ ɔkpɛ kɛklɔ mɛ, ” “alasɛ anɔnyanɔ gɛ ayɛkɔ kɛpamɛ aba ga kɛpamɛ shu etsi.