Priljubljene svetopisemske vrstice iz MATIYO 2

Deli

U donna soo kɔnɔ, ka dennyɛnin n'a bamuso Mariyamu ye. U y'u kunbiri gwan ka deen bonya. O kɔ, u y'u ka minanw dayɛlɛ, ka sanu ni wusulan ani tulu kasa diman di deen ma.

Yezu wolola Bɛtilehɛmu, Zuda mara la. O waati la, Erɔdi tun ye o yɔrɔ masacɛ ye. A wolola minkɛ, lɔnnikɛla dɔw bɔra kɔrɔn fɛ ka taa Zeruzalɛmu k'a koo nyininga ko: “Zuwifuw ka masacɛ min wolola sisan, o bɛ min? An nan'a bonya bari an y'a ka lolo ye k'an to kɔrɔn fɛ.”

U ye lolo nin ye tuma min na, u nisɔn diyara kosɛbɛ.

Ala y'a fɔ lɔnnikɛla nunu ye sigo la k'u kana segi ka taa bɔ Erɔdi kan. O la, u ye sira wɛrɛ ta ka taa u ka jamana na. Lɔnnikɛlaw taanin kɔ, Matigi ka mɛlɛkɛ dɔ y'a yɛrɛ yira Yusufu la sigo la. A y'a fɔ Yusufu ye ko a ka wili ka boli ka taa ni deen n'a baa ye Ezipiti jamana na, bari Erɔdi bɛna deen yɔrɔ nyini ko a b'a faga. Ko a ka to o yɔrɔ la fɔɔ n'ale ka kuma sera a ma tuma min na.