Priljubljene svetopisemske vrstice iz Johana 6

Deli

Neke baho Jesu neke avalongelage atigilage: je nene nde vugali vwa vûmi june. Je ikwadza ukwangu asiladagana kangi, neke je akufuvwa unene, asilavuja akeluke ponu.

Umwene je Mubepo, je ipela uvûmi, neke ijene ińama ja muvili jisivumbulila kinu. Neke lino amadzwi, ge ndivalongye unene, je Mubepo, vwe vûmi vuvo.

Mutane ukugimba ifya kulya, ifijaga kangi, nda mugimbage ifilyo ifikwikala ukufika kuvûmi vwa mbêpali, fye alavapela umwânava munu; ndivwene je mwene, je akangidzwe kwa dadye, kwa Nguluvi.

Ndivwene umwene udâda akelye ukuta vonda, avakumuvona umuswamuve neke vamufuvwage, ukuta vavuvonage uvûmi vwa mbêpali; neke najune ndilavadzulubusa pakigono ikya kududzihidza.

Neke apilusage Jesu neke avalongelage atigilage: amalimo ga Nguluvi, ge itigila mulimage, ge ga kumufuvwa je atumilwe kwa mwene.

Neke vonda, ve akumela udâda, avo valadza ukwangu, neke je ikwadza ukwangu, ujo najune sindilamudagila pe livala.

Neke apilusage Simono Petele neke atigilage: ve mutw’ave, tuhelelage kwa nani? Vwi nago juve amadzwi aga vûmi vwa mbêpali.

Je nene nde vugali vwa vûmi uvuhuma-kukyâńa. Umunu je akuvulya uvugali uvu, j’alavedza mûmi mbêpali hela. Neke kangi uvugali, vwe ndilatavula unene, je ńama jangu ja muvili, ijikujihulila uvûmi ińi.

Ilemwa umunu ukwadza ukwangu, je asisuṅilwe kwa dâda, je anumile unene, nekelino jemwene, je ndilamudzulubusa pakigonokya kududzihidza.

Ndivwene vwe vugali vwa Nguluvi, uvwihuma kukyâńa uvukujihulila uvûmi ińi.

Je nene nde vugali, uvwihulila uvûmi junene.

Nebe baho Jesu neke inulage uvugali neke ahongedzage neke avapelage avikalile. Na dzi somba nadzo ndesi, neke avapelage, ndevye vakelaga avene. Neke lino vavye vigwite, neke baho Jesu neke avalongelage avańi-gendwa vakwe neke atigilage: mulundasage utuvuluvulu, utusigalye, tutane ukwanangika.

Neke lino vavye vagendile apańa-melo idzińa-makyumi gavili na dzihanu (25), nambi makyumi gadatu (30), neke baho vavonage u-Jesu igenda pakyâńa pańandza neke vavonage ahegēlye pîpi kukyômbo neke vogo-page. Neke umwene avalongelage atigilage: mutane ukogopa, je nene.