Priljubljene svetopisemske vrstice iz Maariko 6

Deli

Ko okoghera iya abhantö abhaaru bhököngʼu bhano bhaare-ho, abhandë bhaashanga na abhandë bharatanora, ku bhuyö Yëësu na abheegha abhaaye bhakataamibhwa okorya. Mbe, akatëëbhya abheegha abhaaye igha, “Muushe, toghende righara, ahasë hano abhantö bhatarë, tumuunye-ko hake igho.”

Yëësu akabhatëëbhya igha, “Ömörööti nkosookwa arë kera ahasë, ukutigha mu-kyaro ikyabho, ko-bhawaabho na waaye ka.”

Hano Yëësu yaahikirë humbu, akaika ukurwa mu-bhwato. Akamaaha rikomo irya abhantö, akabhaabhera, ko bhoora mbaarë kya amangʼöndi ghano ghataana ömörëësya. Akasimya ököbhëëghya amangʼana amaaru.

Ko bhoora bhataamukumiri, tiyaakörrë amakono amaaru hayö hë, kasi yaatöörëëyë abharööyë abhake igho amabhoko, bhakahwena. Akaroghoora bhököngʼu ko bhoora bhataarenga na umukumo kora hake hë. Hano Yëësu yaamarrë, akainaaranaara mu-bhishishi ibhya haangʼë hayö, akabha arëëghya-mo abhantö.

Yëësu akaghegha emekaate etaano na sinswë ibhërë siyö, akagharamera mu-ryobha, akakumya Waryobha. Akamonyora emekaate ghiyö, akahërrya abheegha abhaaye igha bhatwenere abhantö. Akabhahaana na sinswë siyö, bhatwenere abhantö bhonswe igho. Abhantö bhonswe igho bhakarya, bhakeeghota. Abheegha abhaaye bhakakomania ebhesansa ibhya emekaate na sinswë, bhakaishörya ebhekapo ikömi na bhibhërë.