Priljubljene svetopisemske vrstice iz Génesis 12

Deli

Cafä bäfä fa balamalönö, wamacö bälöo fa lojodoonö, wamacö bälöo nia yaio. Bäfä nia bayelibou. Cafä wa wa̦fa nia yai ji̦limou blaucou lä cuaaö wei, bäfä nia tablamaö. Cafä inaja bäfä bayeliblaö cuo ja, cafä nija ai bä nia bayeliblamou mö feduo. ’Cafä wa lä bayeliblaö wejei bä lä cui, inaja showawä, cama bä ma cui, ya bä nia bayeliblaö cuo mö feduo. Wa nö lä bleaamaö wejei bä lä cui, inaja showawä, cama bä ma cui, ya bä nö nia bleaamaö cuo mö feduo. Cafä bäfä bayelibou fa balöonö, bluca bä bälöjöwä lä yaiblai, afä a nodiwä nija, bä nia bayeliblamou nomöjöo —Jeobaa a cuma.

Ö̦jö däjä, Ablamö nija Jeobaa a wa̦ falayoma. —Bei. Afä wa tä ulifi tabi fa feicänö, afä wa bä ca̦i fa dacönö, faafänö bä ca̦i lä bälöono wei wa bä ca̦i bluca fa dacönö, a da alufälö. Cafä nija ya tä ulifi nia lä jömöaö wei jamö, wa waloobä.

Ö̦jö cudeenö, Jeobaa nija Ablamö a fa yömölamolunö, a alayoma. Lodo a ca̦i yaua showalayofälöma, Ablamö a lä ijilumono wei. Ablamönö lasha 75 a faa fa waiquimalönö, Alana tä ulifi jamö a culanö, a jocälayoma.

Ö̦jamö lä Ablamö nija Jeobaa a fa damolalunö, a wa̦ fama. —Cafä nija bä nia lä nodiblou wei bä lä cui nija, ei ya tä ulifi nia jöböaö —a nowa tama. Cama nija Jeobaa a damolaliyoma cudeenö, ö̦jamö lä showawä, bä yalo maqueblamobä täcö i̦taquema, Jeobaa nija bä yalo dodobobä.